بيراميدز متأخر جداً في سوق الانتقالات وشكله مكتفي بعودة زلاكة وبوبو وباقي المعارين من الاعارات

اللي مستغربه في بيراميدز انه لحد دلوقتي مدخلش الميركاتو خالص ومتاخر جدا حقيقى

رغم انه اكتر فريق محتاج ده لان عنده سوبر افريقي وانتركونتننتال بجانب الدوري ودوري الابطال

الزمالك خلص صفقات والاهلي خلص صفقات والاتحاد وسيراميكا والبنك والمصري

كل واحد خلص حفلة صفقات برضو عشان يعرف ينافس على مقعد مؤهل للكونفدرالية

بيراميدز لسه بس من كام يوم بدأ تحركاته لتعويض ابراهيم عادل

وبدأ يبص لناس زي ريبوليس موفوكينج جناح اورلاند بايرتس

او لوكاس ريبيرو جناح ماميلودي صن داونز

وكلا الناديين رافضيين يبيعوا اصلاً داخل افريقيا وعاوزين يبيعوا لاوروبا

او الخليج بس مش عشان الفلوس قد ما كمان اندية جنوب افريقيا عندها كود متبعش لمنافس قاري

ده غير صفقة حمدي فتحي اللي تجمدت بسبب رفض الوكرة لرحيله عن الفريق وحاجتهم له

على حد علمهم وكذلك رفض مصطفى محمد للعودة لمصر ورفضه لعرضهم له

بيراميدز متأخر جداً في سوق الانتقالات وشكله مكتفي بعودة زلاكة وبوبو وباقي المعارين

من الاعارات لحد دلوقتي بس فريقهم في رأيي لسه عنده نواقص ومش متكامل عادي

تحرك غريب بصراحه من اكتر لاعب كان عليه امل الاحتراف في مصر حاليا،ابراهيم عادل

بعد ما لعب في اتنين اولمبياد ومش بس كده ده قدم مستويات كبيره تحديدا في البطولة الاخيره .

ابراهيم عادل كان في أخبار كتير عن عروض من اسبانيا وبلجيكا وفرنسا بعد انتهاء الأولمبياد

لكن تمسك بيراميدز باللاعب آخره موسم كمان عن فكرة الاحتراف .

لكن اللاعب كان بقدر يتحرك في خطوة اكبر من الامارات الحقيقة دوريات زي السويسري أو البرتغالي أو البلجيكي

كانت هتكون محطات افضل واسرع في فكرة انك تاخد خطوة اكبر في دوري اكبر الموسم ال بعده .

مش قادر احدد التفكير للاعب كان سقف الطموحات معاه عالي الحقيقة بناءا علي قدراته الفنيه،

في كلام كتير بيتقال عن الصفقة لكن أنا عن نفسي مش قادر افهمها غير أنها صفقة تجميع فلوس اكتر من التفكير في المستقبل

رغم اني شايف أن وجوده في بيراميدز افضل له بكتير من الانضمام للجزيره في الدوري الاماراتي .

sportnews.it.com