بيراميدز بيعمل ابجريد مختلف

بيراميدز بيعمل ابجريد مختلف واقوي في الخط الامامي بالتعاقد مع البرازيلي ايفرتون نظرا لامكانيات اللاعب الفنيه والبروفايل الخاص به ..

بيراميدز بعد رحيل ابراهيم عادل منتظرش كتير وكان مخلص كل اتفاقاته مع اللاعب البرازيلي علشان بعدها بكام يوم بس اللاعب يلحق المعسكر الخاص بالفريق في تركيا ..

مع احترامي لزلاكه لكنه مش اللاعب ال يقدر يكون أساسي لفريق تنافسيه ورمضان صبحي واحد أن المدرب مش مقتنع به كجناح ايسر

لانه بنسبة كبيره مشاركته دايما بتكون في عمق الملعب بالتالي الفريق كان لازم يتحرك في اتجاه لاعب قوي يقدر يشيل الجانب الأيسر هجوميا…

لو جينا نشوف بروفايل ايفرتون اللاعب الجديد من خلال مؤشر الداتا الخاص بشركة twelve football عن طريق صديقي ( mohamed dawoud )

هتلاحظ قوة انفجاريه رهيبه عند اللاعب إمكانيات ممتازه .

بيراميدز بيعمل ابجريد مختلف بالتعاقد مع اللاعب ايفرتون

جودة ممتازه في الأنهاء ( finishing ) لاعب مسجل 13 هدف الموسم الماضي في 27 مباراة معدل تهديف هدف لكل 157 دقيقة

جودة ممتازه في التهديد من داخل منطقة الجزاء ( box threat ) وده لان اللاعب بيتحرك كتير داخل الصندوق

ومعدل لمساته كبير في منطقة جزاء الخصم،عن طريق تحركاته كمهاجم ثاني وخلق زياده عدديه في الصندوق

جودة ممتازه في تقديم الدعم (providing teammates) بيقدر يكون خيار مناسب لحامل الكره وبينزل يستلم ويشارك مع الفريق في التدرج

بالاضافه أن ثقة اللاعبين فين بتجعله خيار مناسب للتمرير،يعني ايفرتون بيستلم الكره بمعدل 54 مره لكل 90 دقيقة وده معدل ممتاز بالمناسبة .

جودة ممتازه في المراوغات ( dribbling ) لاعب قوي في المواقف الفرديه 1 ضد 1 عنده معدل مراوغات بيصل الي 2,2 مراوغة ناجحه في المباراه

بدقة نجاح وصلت إلي 60 % لكل 90 دقيقة لعب

يمكن من خلال المؤشر تقدر تحدد اسوء نقطه في اللاعب وهي عمليات الضغط،اللاعب سئ جدا في الضغط

ودي نقطة مختلفه لان فريق بيراميدز اكتر فريق بينفذ عمليات ضغط في الدوري بالتالي دي نقطة لو متعالجتش ممكن تؤثر علي سيستم الفريق دفاعيا

لكن ده هيرجع الي قدرة المدرب علي معالجتها بتوفير الحماية للاعب بشكل مستمر مما يؤدي إلي تقليل عمليات الضغط بالنسبه للاعب