مكسب الاهلى الابرز بن رمضان فى كاس العالم للانديه

بكل تأكيد بن رمضان هو مكسب الاهلي الابرز من مونديال الاندية .. ولكن

اللي يزعل في موضوع محمد علي بن رمضان ده اننا كمصريين منبهرين بالشئ العادي

اه متستغربش .

احنا نسينا في مصر يعني ايه لاعب متأسس كويس وعنده موهبة فطرية

فمستوى طموحنا بقا يخلينا ننبهر بسهولة من اي لمحة او اي اضافة .

وتخلينا لاحقاً مبالغ في تقدير وتقييم صاحبها

خلي بالك ده مش تقليل من بن رمضان اللي موقع نطاق الرياضة كتب عن قدراته وإمكانياته بدل المرة عشرة

بس احنا حرفياً من بعد ما جيلنا شاف نص ملعب زي حسني وشوقي وغالي والصقر

مبقناش نشوف كواليتي غير فلتات فردية بتظهر كل فين وفين

وبسبب كده بقينا ننبهر بأي لاعب بيعمل العادي والطبيعي

مش محتاج اقولكم الاسباب ايه عشان مبقاش بعيد كلام كل مرة ..

احنا للاسف بنعاني من تراجع في عنصر الموهبة .

ولو اتوجدت فعنصر التأسيس غير حاضر اصلا لصقلها

موهبه بن رمضان لا نقاش فبها وهو يعد مكسب كبير للاهلى

الأهلي بيخسر إمكانيات محمد علي بن رمضان بتمركزه في مناطق مرتفعه من الملعب وإبعاده عن التلت الاول والتاني من الملعب.

جودة التونسي بالكره اعلي بمراحل من اي لاعب وسط موجود في الاهلي عنده قدره اعلي في التحكم

وقدره اكبر في التمريرات بين الخطوط واللعب المباشر .

بالتالي فكرة أبعاده وتوفيره للتلت الاخير ده شئ مضيع علي الأهلي أمور كتير ممكن تكون افضل

لو التونسي أصبح مسؤول عن بناء اللعب والتحضير.

بعيدا بقي عن العبث اللي حصل في مباراة بورتو ، الراجل اللي قدامك ده هو المكسب الاعظم للاهلي في كاس العالم للانديه !

بن رمضان هو اللاعب الوحيد في الاهلي اللي كان عنده حضور في كل المباريات ، امام انتر ميامي و بالميراس و بورتو !

بن رمضان لاعب وسط مفهوش غلطه ، قادر يستلم و يراوغ في مساحات ضيقه ، قادر يصنع فرص

النهاردة بيسجل هدف عالمي حرفيا في بورتو و بسهوله تامه ، كفايه بس ان ريبيرو بيختار يتواصل معاه في كل توقف

لانه عارف ان عنده وعي تكتيكي عالي !

بن رمضان هو اكتر لاعب صنع فرص للاهلي في البطولة !
بن رمضان هو اكتر لاعب عمل مراوغات ناجحه في البطولة وصلت نسبت نجاحها الي 72% !

محمد علي بن رمضان هو الخامة الاجنبيه النضيفه اللي يستاهلها فريق بحجم الاهلي ، الافضل في المونديال بدون ادني شك ❤️

بن رمضان ده ملك
ملك بجد
الاهلي معاه خامه اوروبيه
بيستلم تحت الضغط ببساطه شديده
بيستلم بالقدم البعيده و يلف في المساحه و يسلم بسرعه

اكتر لاعب راوغ صح و كسب ثنائيات و صنع فرص فى المباراه

وسجل هدف عالمى حقيقى

نطاق الرياضة