الفروقات مرعبه جدا بين باريس وانتر ميامى

الفروقات مرعبة مش بس لان باريس سان جيرمان اصلاً فريق جبار

وعايش مستوى من الفحولة الفنية لدرجة انه كسب انتر في نهائي دوري أبطال اوروبا بالخمسة

بل لان كمان انتر ميامي فريق مش بس مينفعش يكون في ادوار اقصائية

بل لانه مينفعش يكون في البطولة دي من الاساس

لو شيلت ميسي من الفرقة الباقي بالمستريح يشتغل ترزي حريمي

الفريق ده سيناريو صعوده ذات نفسه ميتحكيش في فيلم كوميدي .

من زوربيح فرص الاهلي الصائعة امامه مروراً بنسخة هي الاسوأ في تاريخ بورتو بيكسبوها

وفي النهاية بالميراس مع ضمان صعوده يقرر يتمشى في الملعب قدامهم .

فريق اوفريتيد فنفسه تحسه ممثلة لبنانية ضاربة 2 طن بوتكس

لويس انريكي لما شاف فرقته طايحة في الملعب شامي ومغربي

وبيلعبوا لوحدهم لدرجة ان انتر ميامي معداش نص الملعب الشوط الاول .

قام قلبها حصة تدريبية بعد رابع جول

هو اكيد الاهلي كان محظوظ انه مقابلش قوم عاد دول اللي اكيد لو منافسهم الاهلي

مش انتر ميامي هيلعبوا بحدة اكبر وقتالية اكبر ودي نتايجها هتبقى صعبه

حكيمى عامل موسم جبار واستثنائي حقيقى

بشوف ان حكيمي مش واخد كريديت خالص على الموسم الاسطوري ده .

تحس ان الميديا مقطوعة عنه والمحللين والصحفيين متجاهلينه

الراجل عامل اعلى اداء في مسيرته .

بالمستريح افضل من اي باك يمين في العالم دلوقتي وبفارق مش قليل كمان

كل ماتش مساهمة او اتنين ده غير شلال الفرص والمحاولات المباشرة على المرمى

وكأنه بقا كابوس لاي فريق قدامه لا يقل قيمة عن ديمبيلي وفيتينها وكڤارا ودويه

كمان تطوره اللافت ودوره التيكتيكي المركب مع انريكي اللي بيخليه يصول ويجول

في الاطراف وانصاف المساحات وتطور في قدرته على قراءة مسار اللعب ومهاجمة المساحات

حكيمي يستاهل كريديت ضخم بدون مبالغة

بيلعبوا كره قدم دون اى قوانيين على الاطلاق

ممتعين جدا فرديا وجماعيا كمان

مصممين يقلبوا المشهد والجيم لمشهد استعراضى متكامل

واعين اوى بالمشهد باريس سان جرمان اقوى فريق فى العالم حاليا

كمية الإنتاجيه ال بيقدمها ثنائي أظهرة باريس خيالي،

مافيش فريق في أوروبا بيمتلك ثنائي اظهرة بنفس القوة والتأثير سواء دفاعيا وهجوميا زي ال عند حكيمي ومينديز .

ثنائية جباره قوية وشرسه في الثنائيات والصراعات الفرديه لكن كمان الثنائي بيقدمو ادوار كبيره أثناء الحاله الهجوميه للفريق

سواء كان في الهجوم المنظم أو التحولات الهجوميه.

حكيمي مثلا مساهم في 24 هدف انت متخيل الرقم ؟

ياجدعان ده فيه مهاجمين أو وينجات في التوب 5 مش مساهمه في نفس عدد الاهداف ده !

ثنائي جبارة مع فريق شرس وكوتش ممتاز قادر يدير المجموعة ال معاه بشكل مميز

اشرف حكيمي اكل الاخضر و اليابس الموسم ده حرفيا ، كسب كل البطولات مع باريس

و سجل في الدوري و دوري ابطال اوروبا و سجل هدفين كمان في كاس العالم للانديه

امام سياتل و النهارده امام انتر ميامي ، حاسم في كل البطولات !

احنا بنتكلم عن ظهير ساهم ب 25 هدف مع باريس الموسم ده ،

رقم غير عادي استحقه حكيمي عن جداره بسبب مجهوده و ذكاؤه و استيعابه للادوار المركبه مع انريكي و استغلاله لكل الفرص !

مشوار حكيمي في اوروبا مشوار عظيم ، ظهير ساهم ب 116 هدف و كسب 16 بطولة

و حاليا هو احد المرشحين لافضل لاعب في افريقيا و للبالون دور بدون ادني شك

اللي حصل في مباراة باريس و انتر ميامي ده ملوش وصف غير انه كان حصه تدريبيه بسيطه ل باريس !

بتتكلم في نتيجه 4 / 0 و 7 فرص محققين لباريس و 14 تسديده من داخل منطقه الجزاء

و 45 لمسه داخل منطقه الجزاء و 99 دخول للتلت الاخير ، هيمنه مطلقه !

مش بس فرق مرعب بين جوده لاعبين باريس و انتر ميامي ، كمان فرق مرعب في

المنتج التكتيكي بين الفريقين ، سكه سفر طويله من الاخر !

الوصف الدقيق للمباراة دي ان باريس ملعبش امام انتر ميامي لكن باريس لعب ب 11 لاعب مميزين في كل شئ امام لاعب واحد فقط اسمه ليونيل ميسي !

نطاق الرياضة