اوليفر جلاسنر مدرب كريستال بالاس اعجازى

الراجل اللي قدامك ده حقيقي يستاهل الاشاده علي اللي عملوا النهاردة مع كريستال بالاس !

كريستال بالاس مش بس فاز علي فيورنتينا النهاردة في ربع نهائي دوري المؤتمر الاوروبي ، دول اكتسحوهم حرفيا ، فوز بثلاثيه نظيفه ، 7 فرص محققه للتسجيل ، 17 تسديده ، مباراة من جانب واحد فقط !

اللي بيعملوا اوليفر جلاسنر مع كريستال بالاس ده اعجاز حقيقي و التاريخ مش هينساه ابدا ، في اول موسم انقذهم من الهبوط ، في تاني موسم كسب كاس الاتحاد الانجليزي لاول مرة في تاريخ النادي

في تالت موسم كسب السوبر لاول مرة في تاريخ النادي و علي وشك الوصول الي نصف نهائي دوري المؤتمر الاوروبي في اول مشاركه اوروبيه في تاريخ النادي !

مش بس كدة ، الراجل ده حرفيا شاف معاناة غير عاديه مع اداره النادي ، باعوا اوليسيه و ايزي و مارك جيهي اهم و اقوي 3 لعيبه لدرجه ان الفريق في فتره ما مكنش عنده غير 13 لاعب فقط و الباقي شباب لحد ما جلاسنر طلع قال ” اشعر ‌اننا ⁠تركنا وحدنا “

و برغم كل ده ، جلاسنر النهاردة بيقترب من الفوز بتالت بطولة مع كريستال بالاس و لو قدر يكسبها فعلا

هتبقي واحده من اكبر و اعظم الظواهر اللي حصلت في كرة القدم

على صعيد اخر / مباراة باريس سان جيرمان و ليفربول اجمل و اشيك مشهد !

مفتكرش في مشهد حصل في مباراة باريس سان جيرمان و ليفربول اجمل و اشيك من المشهد اللي قدامك ده !

اللي حصل بالظبط ان فيتينيا لاعب وسط باريس وعد لاعب ليفربول الشاب ” تري نيوني ” انه هيهديه القميص بتاعه بعد المباراة ، بس الجميل مكنش في الوعد و بس !

الجميل ان فيتينيا اكتشف ان لاعبي ليفربول كان عندهم حصه تدريبيه صغيره بعد المباراة ، لكنه رفض يغادر الملعب مع زمايله و انتظر 20 دقيقه كامله لحد ما نيوني يخلص التدريب عشان ينفذ وعده معاه و فعلا اهدي له القميص في النهايه !

فيتينيا ده حقيقي لاعب انيق في كل شئ ، امبارح كان قائد اوركسترا في الملعب لدرجه انه لمس الكرة 147 مرة و مرر 138 تمريرة اكتر من عدد تمريرات لاعبي وسط ليفربول كلهم ، و ختمها بالموقف العظيم اللي عملوا مع نيوني ده !

و اللي يدهشك اكتر ان باريس اشتري فيتينيا ب 41 مليون يورو فقط و النهاردة فيتينيا هو افضل لاعب وسط في العالم رفقه بيدري و قيمته التسويقيه وصلت الي 110 مليون يورو

واحد من اعظم استثمارات باريس سان جيرمان في تاريخه حرفيا

sportnews.it.com