اسباب الظهور المتوهج لعمر الساعى لاعب المصرى البورسعيدي

الراجل ده من سنة بالظبط كان واحد من افضل لاعبي نص الملعب في مصر و كان مطلوب بشده في الاهلي و الزمالك !

راح الاهلي بصفقه ضخمه وصلت الي 50 مليون جنيه و كل جمهور الاهلي كان متوقع ثنائيته مع امام عاشور هتبقي ملهاش حل !

فجأة شاف نفسه بيقعد علي الدكه و ملعبش غير 7 مباريات مع الاهلي منهم اتنين اساسي بمتوسط 27 دقيقه في كل مباراة

و مكنش بيتمرن كويس و وزنه زاد و مشي من الاهلي و راح المصري السنة دي علي سبيل الاعاره !

فتحصل مفاجأه انه ينزل من الدكه في 3 مباريات مع المصري و يسجل هدفين من اجمل اهداف الدوري امام الاتحاد و بيراميدز

من 3 تسديدات فقط و يجيب امبارح نقطه غاليه للمصري امام بيراميدز و يبقي افضل معدل تسجيل اهداف في الدوري بهدف كل 24 دقيقه !

مفيش لاعب في الدوري المصري سعيد دلوقتي اكتر من عمر الساعي

الساعي لسة 22 سنة و وجوده حاليا مع المصري هيخليه ياخد دقائق بالتدريج و يستعيد فورمته

و بعد سنة هيرجع الاهلي و يبقي اضافه كبيره لخط وسط الفريق

تألق عمر الساعي الموسم ده يخلينا نسأل شوية اسئلة دلوقتي بخصوص سبب فشله في الاهلي هل عمر الساعي اساسا لاعب مش كويس ؟

الحقيقة لا .. عمر الساعي في الاسماعيلي كان ممتاز وكان اعلى لاعبي الدوري صناعة للفرص من لعب مفتوح وقدراته متعددة في مراكز مختلفةطب ليه كولر كان مهمشه تماماً ؟

لانها صفقة ادارة مش صفقة فريق .. يعني ايه ؟

يعني لاعب تم التعاقد معاه دون الرجوع للمدرب ..

ولان في مدربين كتير دماغهم صغيرة فكولر كان واحد منهم وشخصنها

لان عمر الساعي انضم للفريق رغماً عنه وده تسبب في انه يحط اللاعب في التلاجة لحد ما اللاعب اهمل في نفسه

الحقيقة ان الساعي ممكن نستخدمه مثال لاهمية انك متدخلش الفريق اي لاعب بدون العودة للمدرب وتفهم الاول المدرب عاوز لاعب شكله ايه وستايله ايه

لان اه وارد الساعي ممتاز لكن مش متناسب مع اللي كان عايزه كولر خصوصاً ان السويسري كان عايز محمد علي بن رمضان فقط لاغير

ورفض اي حلول مسكنة ضرورية نجاح اي مشروع لازم في النهاية يكون مبني على عدم تخطي اصحاب المسؤولية في اي قرارات ..

خصوصاً في العملية التعاقدية نفسها في المصري ورغم كونه نادي جماهيري .

لكن ضغط اقل بكتير لان مفيش مطاردة اعلامية ورقمية .

بالتالي بيئة ممتازة لاستعادة البريق من جديدوده بلا شك احد اهم اسباب الظهور المتوهج للساعي في المباريات الثلاثة اللي خاضها المصري البورسعيدي في الدوري حتى الآ

بالمناسبة حوار عمر الساعي ده فيه و عليه يعني اه كولر عند معاه زياده لدرجه ان كريم نيدفيد و اكرم توفيق لعبوا علي حسابه

و دي لعيبه مكانتش بتقدم اي اضافه بالكورة و كان وجودهم زي عدمهم بس الساعي عند برضه و ملتزمش في التمرين بشكل كافي ،

فكل واحد فضل يعند مع التاني من الاخر بس عموما عمر الساعي مختلف عن لعيبه الوسط في مصر ، بالكورة هيبقي عنده حلول في سياقات كتير

ده غير انه بيديلك امتياز زياده زي التسديد يعني مع الاسماعيلي في موسم 23 / 24 قدر يساهم ب 8 اهداف في الدوري

و هو اصلا لاعب وسط مش قريب من المرمي هو تحت الخطوط و بيطور هجمه فريقه يعني الهجمه مش بتنتهي عنده ،

فالارقام دي للاعب محور تعتبر ممتازه جدا و بتؤكد علي فعاليه لاعب لما بيكون فعلا قريب من المرمي

عمر الساعي في كامل فورمته سهل جدا ينضم منتخب مصر و يلعب كمان لانه من القليليين اللي عندهم حلول فعلا

لمحه عن اللاعب عمر الساعى

عمر ممدوح إبراهيم محمد الساعي ( مواليد 1 يناير 2003)

هو لاعب كرة قدم مصري محترف يلعب كلاعب خط وسط في الدوري المصري الممتاز نادي المصري على سبيل الإعارة من النادي الأهلي .

كان عمر يلعب في صفوف الإسماعيلي قبل أن ينضم إلى الأهلي في انتقالات صيف 2024.

عمر الساعي · النادي: المصري · الجنسية: مصر · تاريخ الميلاد: 01/01/2003 (22 سنة) · مكان الميلاد : مصر · المركز : وسط

sportnews.it.com