لاعب مجتهد بمعني الكلمه انيس حاج موسى اللاعب الجزائرى
اللاعب الجزائري الحريف اللي قدامك ده عامل شغل عالي جدا في اوروبا السنة دي و مش واخد حقه اطلاقا !
اللاعب ده هو ” انيس حاج موسي ” اللي عنده 23 سنة فقط و بيلعب جناح ايمن في نادي فينورد اللي كان هيخرج من الدوري الاوروبي النهاردة لولا انيس اللي سجل هدف و صنع هدف و احيا امالهم في التأهل الي الملحق من جديد !
المبهر فعلا ان انيس بيلعب جناح خط يعني بعيد عن المرمي تماما و في نفس الوقت ساهم ب 14 هدف الموسم ده و هو اكتر لاعب صنع فرص في الدوري الاوروبي ب 19 فرصه و هو تاني اكتر لاعب في الدوري الهولندي عنده اسيستات متوقعه ب 5.8 اسيست ، مكنه صناعه لعب من الاخر !
الجميل بقي ان سكاي سبورت من 4 ايام بالظبط نزلت خبر بيقول ان تشيلسي مهتم يتعاقد مع انيس و اللاعب نفسه عليه خناقه في الميركاتو من انديه المانيه و كمان مارسيليا و بنفيكا عايزينه !
من سنتين و نصف بالظبط انيس كان بيلعب في الدرجه التالته في بلجيكا ، النهاردة هو بيلعب في فينورد و تشيلسي مهتمين به و ساهم بهدفين مع منتخب الجزائر في امم افريقيا و استلم الرايه من رياض محرز ،
على صعيد اخر هناك فى مصر
اللي يقولك ان الدوري الانجليزي هو امتع دوري في العالم قول له يبقي انت مشوفتش كلاسيكو وادي دجله و غزل المحله اللي اتلعب النهاردة في الدوري المصري العريق !
وادي دجله و غزل المحله لعبوا النهاردة مباراة حصل فيها كل حاجة انت نفسك فيها ، 5 اهداف و ركلة جزاء ضايعه في شوط واحد و حط عليهم واحد ريمونتادا و كورتين في العارضه كمان !
الثانيه 53 : هدف اول ل غزل المحله
الدقيقه 8 : هدف التعادل ل وادي دجله
الدقيقه 20 : هدف تاني ل وادي دجله
الدقيقه 26 : هدف تالت ل وادي دجله
الدقيقه 50 : ركلة جزاء ضائعه ل غزل المحله
الدقيقه 51 : هدف تاني ل غزل المحله .. كل ده في شوط واحد !
تخيل بقي ان غزل المحله بقياده ملك الكلاحه علاء عبد العال لعبوا 13 مباراة في الدوري قبل مباراة النهاردة و استقبلوا 4 اهداف فقط كاقوي دفاع في الدوري ، وادي دجله النهاردة سجل فيهم 3 اهداف في 26 دقيقه فقط ، متعه الدوري المصري يا ساده
ننتقل الى دورى ابطال اوروبا
الصورة دي كانت في مباراة ليفربول و مارسيليا امبارح في دوري ابطال اوروبا ، محمد صلاح جالوا الانفراد ده و كان عايز يحطها ب وش رجله في الضيقه لكن للاسف اتعملت غلط و الكورة راحت بعيده تماما عن المرمي !
الجميل بقي ان ارني سلوت امبارح طلع اشاد ب محمد صلاح امام الاعلام و قال ان محمد صلاح عنده مستوي احترافي كبير لانه بعد شهر كامل مع منتخب مصر و الاحباط من الخساره في نصف النهائي سافر بعدها لمسافات طويله و كان جاهز يلعب معانا 90 دقيقه !
مش بس كدة ، ده كمان ارني سلوت غير نظام الفريق عشان يخلي صلاح مهاجم تاني قريب من المرمي بدل ما يكون جناح معزول
دعم تكتيكي و نفسي عظيم من سلوت لاستعاده نسخه محمد صلاح الاستثنائيه من جديد
نطير الى اسبانيا عن طريق بوابه برشلونه
خبر غير سعيد ابدا لجماهير برشلونة !
نادي برشلونة اعلن النهاردة عن اصابه بيدري في العضله الخلفيه و غيابه رسميا لمده شهر و بالتالي بيدري هيغيب عن كل المواجهات دي
ريال اوفيدو
كوبنهاجن
التشي
الباسيتي ” كاس الملك “
مايوركا
جيرونا
و لو متاهلش برشلونة الي ثمن نهائي دوري ابطال اوروبا و راح الملحق يبقي معاهم مباراتين الملحق !
بيدري ده حقيقي اتعقد من موضوع الاصابات ده ، تخيل ان بيدري في اخر 5 مواسم اتصاب 12 اصابه منهم 7 اصابات في العضله الخلفيه و غاب 579 يوم ، يعني تقريبا في سنة و نصف بحالهم بيدري ملعبش فيها كورة بسبب الاصابات !
اصابه في توقيت صعب للعمود الفقري لنادي برشلونة !
sportnews.it.com
انيس حاج موسى لاعب مجتهد
انيس حاج موسى لاعب مجتهد
اترك تعليقاً