اندريك هو اكبر صداع في رأس الونسو

اندريك هو اكبر صداع في رأس الونسو حالياً

لانه مش عاوز يخسر اللاعب بس فنفس الوقت هو مش لاقي لا الزمان ولا المكان يستغل فى اللاعب او يوظفه فيه

ادارة الريال عرضت على اندريك يعمل زي نيكو باز

يخرج للاعارة او يتباع نصف عقده لنادي صغير يتطور ويتألق فيه ويرجع تاني

بس الدماغ البرازيلي قالت ( لا )

ايندريك عاوز يفضل في مدريد ويحارب على مكانه اللي هو مش موجود اصلاً

اللاعب مستحيل يلعب مهاجم حالياً .

اذا كان جونزالو بديل امبابي مش لاقي دقايق مشاركة كافية .

ما بالك بإيندريك بقا

كان في كلام ان الونسو ممكن يجرب ايندريك كجناح ايسر بديل لماستانتونو

لأنه ايسر زيه وقدمه قوية في التسديد وقصر قامته مش مناسبة كمهاجم

بس كان في كلام برضو ان ريال مدريد ناوي يجدد عقد ابراهيم دياز

اللي هينتهي بعد موسمين وهو الاقرب يكون بديل مع ماستانتونو

شايف اللاعب لازم يعمل زي نيكو باز .

اعارة لمدة سنة او اتنين لنادي وسط في ايطاليا او نادي بروسيا او ليفركوزن او فرانكفورت في المانيا

كافية جداً تجعل ايندريك يتوهج ويتطور ويعزز من قدراته

ويرجع ريال مدريد كلاعب مختلف وقادر على تقديم شئ اكبر

sportnews.it.com