مباراة الاهلي و الهلال هي امتع مباراة عربية

انا بجد مش عارف اجيبهالك ازاي ولكن الذى لم يشاهد مباراة الاهلي و الهلال في الدوري السعودي اليوم فاتوا متعه خياليه من الاخر !

تخيل ان الهلال كان متقدم بثلاثيه نظيفه لحد الدقيقه 78 و في جده كمان و خلاص المباراة رايحه في سكة الهلال اللي لعب مباراة كبيره جدا !

فتحصل معجزه كبيره و الاهلي يعمل ريمونتادا و يسجل 3 اهداف في 12 دقيقه بالظبط اخرهم في الدقيقه 91 و المباراة تنتهي تعادل 3 / 3 !

مباراة فيها 6 اهداف ، فيها ريمونتادا غير عاديه ، فيها 4 كرات في العارضه ، فيها 33 تسديده و 9 فرص محققه للتسجيل ، ملعب نضيف و اجواء جماهيريه مذهله ، متعه متكامله من الاخر !

مباراة الاهلي و الهلال هي امتع مباراة عربية ممكن تشوفها عينك السنة دي حرفيا الكره الاسيويه

استاد نضيف وملعب نضيف ونقل تليفيزيوني مونديالي

مش مستوعب يعني ايه فريق في ماتش قمة متقدم 3-0 في الشوط الاول هوب الفريق التاني يرجع في النتيجة الشوط التاني ويسجل التعادل في الدقيقة 90!

ايفان توني ده مش طبيعي

سجل هدفين اجمد و اصعب من بعض

بونو مكنش مخلي مجال ان حد يسجل فيه النهاردة بس توني حط كورتين في اماكن و بوضعيات صعبه جدا بونو كان صعب يتعامل معاهم

توني ده كان مكانه ارسنال بجد معرفش بيعمل ايه في السعوديه

الجوده بتتكلم يا محرز

محرز و عرضيات محرز
هتلاقيه بدنيا مش قادر
بس بعرضيه مقوسه واحده منه يخلص اي مباراة

اتنين عرضيه مقوسه للداخل ب 2 اسيست ب ريمونتادا في 3 دقائق بالظبط

الجوده بتتكلم يا محرز

انزاجي مدرب تحولات مثالي

و كان سهل يخلص الجيم النهاردة اربعه و خمسه

بس هو طول الجيم قاعد ورا و بيدافع و بيستقبل لعب بس من الاهلي

عنده دايما الحته دي

بيدوس بالتحولات بس مش بيمسك كرة و بيعتمد علي البلوك المنخفض و الدفاع في البوكس و هو فعلا بينظم فريقه كويس جدا

بس برضه انت مش بتبقي ضامن حاجة باستقبال اللعب في كل هجمه بدون ما تقف علي الكرة و تهيمن و تدافع بالاستحواذ ، هو معندوش الحته دي نهائيا دون ادنى شك

جرعه كبيره ممتعه وشيقه ووجبه دسمه فى فنون كره القدم الكره الاسيويه

sportnews.it.com