0 Shares

كرة القدم السودانيه عادت من جديد علي اراضيها الغاليه ، مشهد مفرح جدا حقيقي

النهاردة حصل مشهد في غايه الجمال حقيقي في كرة القدم السودانيه !

الدوري السوداني كان موقوف بقاله سنتين بسبب الاحداث الصعبه اللي حصلت في البلد

و اضطر وقتها فرق زي الهلال و المريخ يلعبوا في الدوري الموريتاني !

الجميل بقي ان الاتحاد السوداني قرر يعمل دوري استثنائي الشهر ده مكون من 8 فرق باسم دوري النخبه بمناسبه رجوع الحياه بسلام في السودان و رجوع كرة القدم فيها !

المبهر بقي ان المريخ كان متصدر الدوري ب 14 نقطه و الهلال وراه ب 11 نقطه

و النهاردة لعبوا امام بعض اخر مباراة في الدوري و الهلال عمل مباراة تاريخيه و فاز برباعيه نظيفه و كسب الدوري في النهايه للمرة 30 في تاريخه !

اجمل حاجة في المشهد ده هي فرحه الشعب السوداني في المدرجات

النهاردة بالنسبة لهم كان عيد ، مش بس عشان فوز الهلال التاريخي

لكن كمان عشان رجعوا يعيشوا الاجواء التنافسيه الجميله دي في بلدهم بدون اي حواجز !