الزمالك كسب مدافع عظيم جدا حقيقى
محمد إسماعيل (مصر, 26) هو لاعب كرة قدم, يلعب حاليًا لصالح الزمالك في مصر.
في ريال مدريد بيعظموا من قيمة ديان هويسين .
في برشلونة كانوا بانيين تمثال لإنييجو مارتينيز
في إنترميلان قربوا يبنوا مقام لباستوني
في ارسنال بيتغنوا بإسم ويليام ساليبا
المدافع الكوير في كل مكان مختلف وله قيمة مختلفة
المدافع اللي يتحكم في اول مرحلة لعب كأنه لابس بدلة شيك
في الاهلي كان محمد عبد المنعم طفرة على باقي المدافعين بسبب الحتة دي .
بسبب انه مدافع كوير قادر يضيف كتير في اول مرحلة لعب وكان بيسهل على زمايله ومدربيه كتير فيها
محمد اسماعيل نفس القصة وهو ده سبب انه لو مسك مستواه ده وفضل مكمل بيه هيبقى الزمالك كسب مدافع هيغير كتير من مفهوم المدافع عن جمهور الزمالك ..
المدافع مش هيكون مجرد طول فارع ولا قوة مفرطة
بل كمان يكون لا يقل كجودة وتقنية بالكرة عن لاعبي الوسط وصناع اللعب والاجنحة .
عشان كده انا بشوف ان الصفقة دي لا تقل قيمة عن صفقة بيزيرا .
اسماعيل بإيده يبقى في مكانة ضخمة جداً جداً بس يمسك في الفرصة ويطور من نفسه ويكتسب ثقة مدربه وزمايله
وده كمان هبكون صحي ومفيد ان الونش ومصدق بحاربوا اكتر على فرصهم
الزمالك كسب مدافع عظيم جدا حقيقى
مفيش فريق كبير مطالب بالاستحواذ علي الكره لفترات طويلة
لا يمتلك ثنائي دفاع عنده قدره كبيره علي التصرف بالكره،الزمالك بيقضي أغلب فترات المباراة وهو بيمتلك الكره .
مواقف بناء لعب وتحضير متعدده محاولات كبيره للخروج بالكره بشكل تدريجي وده بيتطلب لاعبين بصفات معينه
كان في تحميل كبير في الجانب الأيسر عند حسام عبدالمجيد في الخروج بالكره بالتالي مع عزل حسام بيحصل مشكله للفريق
مباراة دجلة هي اسوء مباراة الزمالك في عملية بناء اللعب وده لان دجلة قرر يوجه اللعب بشكل أكبر للجانب الأيمن عند محمود الونش
السئ في الخروج بالكره بالتالي فشل الزمالك في التدرج بشكل مناسب وبدأ يلعب كرات طويلة كتير
دخول محمد اسماعيل للتشكيل في مباراة المصري أمر ممتاز ومهم للزمالك الحقيقة اللاعب جودته بالكره معروفه من فترته مع زد
وظهر ده امبارح أمام خصم جيد زي المصري،هدوء وتعامل مع محفزات الضغط وقدرات جيده علي التمرير بين الخطوط وفي ضهر الخطوط
وجود إسماعيل بجوار حسام عبدالمجيد هيزود أفضلية الزمالك في الخروج بالكره ويخلق خيارات اخري التدرج بالكره
محتاج وقت اكبر مع الفريق بشكل أساسي ونشوف جودته هتوصل لفين مع الفريق
sportnews.it.com
الزمالك كسب مدافع عظيم
الزمالك كسب مدافع عظيم
اترك تعليقاً