الزمالك قابل فريق مميز ووجود صعوبه فى الخروج بالكره

الزمالك قابل صعوبة كبيره في عملية الخروج بالكره من التلت الاول من الملعب،

مشاكل كتيره في مرحلة ال build up كانت ممكن تتسبب في استقبال الفريق لأهداف في أول مباراة أمام سيراميكا .

فيريرا هيحتاج وقت لحد ما يبدأ يأكد علي أفكاره ويضع الاستراتيجيه الافضل للفريق في عمليات الخروج بالكره ويحل المشاكل وده مش هيحصل في اول مباراة في الدوري .

الزمالك قابل فريق مميز جدا في الضغط زي سيراميكا بيمتلك لعيبة عدوانيه في الضغط وبتقدر تقفل زوايا التمرير بشكل مميز

بجانب أن سيراميكا كان بيقدر يخلق تفوق عددي في أول مرحلة لعب او علي الاقل بيجعل الموقف معادل مع عدد لعيبة الزمالك

سواء كان 5 ضد 5 أو 5 ضد 4 لسيراميكا.

لكن لو جينا مثلا نحدد المشاكل كان فين في الزمالك هتلاقي أن فيريرا وسع المسافات بين ثنائي الوسط وبين الوينجات وصانع الألعاب،

بمعني أن الزمالك بيعتمد علي ثنائي double pivot أثناء بناء اللعب وهما دونجا وشحاته مع وضع عبدالله السعيد علي حدود وسط ملعب الخصم

المشكله بقي هنا أن المسافه مابين دونجا وشحاته والثلاثي عبدالله وناصر وبينزا كبيره .

وده كان بيقلل عمليات الدعم او ال support ال مفترض يلاقيه لاعبي العمق بشكل مستمر،

وكمان كان بيسبب مشكله للمدافعين لأنهم مضطرين في حالة الضغط علي دونجا وشحاته أن هما يلعبو تمريرات ريسك كبيره بين الخطوط ولمسافات كبيره

ممكن لاعب من الخصم يعترضها .الزمالك قابل صعوبه كبيره

المسافه الكبيره ال اتخلقت ثنائي العمق والثلاثي ال فوق كانت ممكن تكون ميزه لو الفريق كان مستهدف المسافه دي بالفعل وده آل كنت بستنتجه في أول المباراه

لكن الفريق محاولش حتي ينفذ نمط في توصيل الكره للثلاثي في ضهر لاعبي سيراميكا سواء بتمريرات عموديه

أو بكرات طويلة من صبحي في الوقت كان يقدر الزمالك يخلق موقف 4 ضد 4 علي مدافعين سيراميكا.

لو هتستمر بنفس الشكل انت محتاج تزود لاعب في خط الدفاع يكون عنده القدره علي لعب الكرات العموديه بين بين الخطوط

ودي ميزه موجوده في اسماعيل علي حساب الونش،وانك تضع لاعب افضل في مقاومة الضغط زي عبدالله السعيد أو معالي بجوار شحاته

علشان تقدر انك تزود لعيبة عنده قدره علي التعامل بالكره تحت ضغط اكتر .

شيكو بانزا انا شايف أن هو خامه مقبولة عنده أمور ممكن يتبني عليها

لكن انك تعطي مؤشر علي تقييم اللاعب من خلال اول كام دقيقه ده شئ غير منطقي الحقيقة .

بانزا خصائصه لازم تضع في سياقات فنيه معينه داخل الملعب،هو جناح مباشر بيميل اكتر للمساحات والتحرك كمهاجم ثاني،

مش جناح يقدر ينزل يشارك في مراحل اللعب ويكون support للفريق يخرج عليه بشكل مستمر بالكره .

ال حصل في مباراة سيراميكا أن هو ال كان بينزل يشارك ده أمر طبيعي ومجبر عليه لان طبيعي الملعب للزمالك بيميل في الجانب الايسر

لان بيتواجد هناك حسام عبدالمجيد وبن تايك وهما ثنائي افضل في التصرف بالكره عن الثنائي الآخر الونش وعمر جابر

فوجود الكره في الجانب الأيسر هيجبر الجناح أن هو يحاول يخلق زاوية تمرير بشكل مستمر وده ال كان بيعمله لكن تصرفه بالكره في التلت التاني سئ .

علشان كده شايف أن وجود مدافع مميز بالكره بديل للونش ممكن يقلل الحمل شوية أن الكره توصل للجانب الأيسر بشكل مستمر

ويكون هو الجانب ال بيتعمل عليه overload في تجميع اللعب،برضو وجود لاعب جودته بالكره افضل في مركز 8 يقدر يقاوم الضغط ويغير مسار اللعب بشكل مستمر هيغير الفكره .

بانزا لو اتخلق له السياق الفني ال هو عاوزه هيقدم شكل افضل من ال اتقدم كمان

مع وجود عدي الدباغ كمهاجم دينميكي في التحرك بدون كره بينزل يشارك ويعمل Link up ويسحب المدافعين

هيقدر يخلق لشيكو مساحات في ضهر الدفاع يتحرك فيها عكس ناصر مهاجم تارج اكتر وعلي طول واخد العمق مبيقدرش يحرر مساحات .

شيكو خسر الكره 18 مره وده رقم كبير خصوصا أن هو لمس الكره 33 مره يعني اكتر من النصف،

لكن انك تجيب لاعب مش مناسب وتجعله مسؤول اول عن نقل اللعب من خط الدفاع لخط الهجوم

لدرجة أن هو لمس الكره 33 مره في 65 دقيقة المقابل ناصر ماهر لمس الكره 38 مره في 90 دقيقة لعب

ده شئ غير منطقي بصراحه لانك وضعت اللاعب في مواقف كتير مش مناسبه لامكانياته بالتالي خسر الكره بمعدل كبير …

sportnews.it.com