جدول ترتيب الدورى المصرى الفارس الأبيض على الصداره

الزمالك في الصدارة والفريق بيتماسك وبيوصل للفوز التالت وللنقطة رقم 10،

لكن حقيقي يعني أنا لسه عندي نفس المشاكل مع يانيك فيريرا ونفس المشاكل دي مرتبطه بمرحلة الحيازه في التلت التاني والتالت من الملعب

الفريق بيقدر يخرج بالكره بشكل مقبول من التلت الاول لكن بعدها الفريق بيقل كتير في عمليات تطوير الهجمه وخلق الفرص

وهنا المقصود بالفرص الكبري Big chance وليس التسديد فقط ..

فيريرا في مباراة فاركو غير شوية من الشكل ومكنش بينزل دونجا بين المدافعين كتير علشان يزود لاعب في العمق

وده النقطة اللى اتكلمنا فيها بعد مباراة المقاولون الاخيره،

دونجا كان بيثبت أمام المدافعين في العمق وبيبدا عبدالله وناصر ماهر الثنائي يتمركز في الممرات الداخليه half space

ورغم أن الفريق بيمتلك ثنائي نفترض عندهم امكانيه جيده في صناعة اللعب زي عبدالله وماهر لكن الثاني مقدرش يخلق موقف كتير للتسجيل تحديدا في الشوط الأول ..

الزمالك في الشوط الأول ظهر بشكل سئ جدا هجوميا ومافيش شراسه ولا أنماط هجوميه مناسبة للتعامل مع الدفاع المنخفض للخصم

ولا قدره علي خلق تفوق عددي في التلت الاخير،

الزمالك خلال أول 45 دقيقة سدد 3 مرات فقط من داخل منطقة الجزاء منها 0 تسديده علي المرمي ومقدرش يخلق ولا فرصه كبيره .

ال expected Goals أو الأهداف المتوقعه للزمالك وصل في الشوط الأول الي 0.48 يعني اقل من هدف

وده يوضحلك ضعف وقلة عدد المحاولات خلال الشوط الأول

رغم أن الزمالك وصل فيها نسبة استحواذه 72% إلا أن الفريق مقدرش يترجم الاستحواذ ده لفرص محققه .

الزمالك زادت محاولاته الهجومية في الشوط التاني وتحديدا بعد طرد لاعب فاركو في أول ربع ساعه من الشوط وصل معدل الأهداف المتوقعه للزمالك الي 1.96 هدف

والفريق قدر يسدد 5 مرات علي المرمي ويسدد 8 مران من داخل منطقة الجزاء .

انت كنت بتقابل خصم بمنظومة دفاعيه هشه وهيكل ضغط متوسط ومنخفض متفكك وفي مشاكل كتير

ومع ذلك قبل صعوبة في الاختراق في بداية المباراة وده ممكن يخلق ليك مشاكل اكبر أمام خصوم افضل

بالتالي انت محتاج تشتغل اكتر علي وضعيات فريقك في الحيازه في التلت التاني والتالت بشكل يساعدهم في إيجاد الحلول في الاختراق..

شيكو بانزا بيسجل هدف الفوز للزمالك امام فاركو و هو مش شايف المرمي

عايز الحقيقه ؟شيكو بانزا مش هينفع يكمل جناح علي الخط لانه بيجري بالكرة بدون قرارات مؤثره !

خليني اصدمك و اقولك ان شيكو بانزا في اول 3 مباريات عمل مراوغه واحده ناجحه من اصل 11 مراوغه و دخل 22 ثنائيه ارضيه كسب منهم 5 بس ، كارثه علي الخط !

بانزا محتاج يدخل لجوة الملعب و محتاج مجموعات لعب و ربط اكتر مع زمايله و تختصر عدد لمساته للكرة

و يبقي مباشر عشان تاخد منه انتاجيه و تخفي عيوبه 3 فوز و تعادل وحيد ، الزمالك يضع نفسه في صداره الدوري وحيدا ب 10 نقاط ، بدايه مثاليه

الزمالك في 4 مباريات دفاعياًاستقبل فرصتان محققتان فقط استقبل 6 تسديدات فقط على المرمى

استقبل هدف وحيد

اجمالي xG المنافسين 1.21 هدف متوقع فقط

الونش تفوق في 6 من 8 صراعات في مباراة فاركو

عبد المجيد تفوق في 6 من 8 صراعات في مباراة فاركو.

من الايجابيات الزمالك بيتحسن دفاعياً وقلت معدلات استقباله للفرص واستقبال المحاولات ده نابع عن التزام شديد من اللاعبين

بالارتداد وتنظيم مرحلة الـdefense reset والدفاع الاصطفافي فيريرا ممكن شغله بطئ الظهور .. بس بيشتغل .

وطالما بتشتغل يبقى التطور جاي جاي

مننساش برضو نُثني على اداء محمد صبحي

وهنا مش بتكلم عن اداؤه فقط كحارس مرمى

بل دوره الضخم جدا ً في الخروج بالكرة بشكل بيُظهر محاولات الخصوم للضغط كمحاولات بائسة

صبحي عنصر رئيسي في مرحلة التحضير او بناء اللعب رفقة فيريرا وظهر دوره بوضوح في هدف بانزا في مودرن

حارس بيلعب برجله وبيخرج الكورة بهدوء وبرود اعصاب تحت ضغط بشكل مثالي ..

دي عملة نادرة في العالم حالياً ما بالك في مصر بقا صبحي لو بيحب نفسه وطمعان اكتر فى موهبته

بدون مبالغة كان زمانه في مستوى تاني خالص

اتمنى حقيقي يفضل ماسك الفورم ده لاكتر فترة ممكنة ويحافظ على نفسه وإلتزامه ..

صبحي مستقبل الزمالك في المكان ده

قبل شهر يناير لازم الزمالك يكون حاسم ملف حسام عبد المجيد

سواء بالتجديد او بالبيع في يناير برقم محترم استغلالاً لتبقي عام ونصف في عقده

واستفيد بمحمد اسماعيل وصلاح مصدق اكتر بما ان عقودهم ممتدة

حسام تطور كتير وبقا مدافع متميز .

حقه اكيد يدخل الشريحة العالية في الرواتب لكن الاهم منشوفش ملاوعات ومساومات بعروض واهتمامات خارجية

اما التجديد بسقف رواتب الزمالك الجديد .. او البيع برقم لا يقل عن 3-4 مليون دولار

او البقاء بديلاً والاستفادة من اسماعيل ومصدق مكانه

مستنيين حسم الملف ده بحد اقصى حتى توقف نوفمبر الدولي بعدها لازم الزمالك ياخد اكشن لحفظ حقوقه

انتصار جديد مهم للزمالك فيه ايجابيات وفيه سلبيات

والاهم ان في صدارة

فيريرا اشتغل على تطوير تفاصيل بس لسه عنده تفاصيل تانية محتاجة شغل

في لاعيبة في الفريق مش في احسن احوالها في لاعيبة تحسنت كتير وفي لاعيبة لسه توظيفها مش صحيح

الزمالك فى صداره جدول الترتيب اخبار الزمالك

sportnews.it.com