الزمالك بطلا لكاس مصر على حساب بطل افريقيا بيرميدز

كأس مصر ٢٠١١ أعظم نسخة زمالكاوية فى القرن الواحد والعشرين

الزمالك قدم ماتشات عظيمة والحظ لم يحالفه

كمية ماتشات تاريخية ع ارض الملعب وفى المدرجات كمان من جمهور الابيض

أكتر نسخة سجل فيها الزمالك أهداف ف القرن الواحد والعشرين ١٦ هدف وايضا كما نرى انه

ماتش تاريخي ضد الجونة فى استاد القاهرة وعودة بهدف أيقوني لشيفو ب ١٠ لاعبين

ماتش أيقوني ضد وادي دجلة فى القاهرة بعد العودة من التأخر

وايضا ماتش الحرس الأسطوري ب ٦٠ الف فى استاد القاهرة وفورمة التايجر عمرو زكي

استاد القاهرة قلبه جمهور الزمالك لاستاد الماركانا ١٩٥٠ وأكتر من ١٠٠ ألف فى ملعب القاهرة

عمل كل حاجه الزمالك والحظ لم يحالفه وقتها

اجواء لاتينية عاشها استاد القاهرة فى نسخة جماهيرية كانت خيال

من بعد الماتش دا والبطولة خضعت للزمالك ٧ نسخ كأس فى ١٠ سنين بس مفيش واحدة فيهم زي دي

آخر نسخة كرة قدم حقيقية ف مصر 🤍

لك ان تتخيل ان اللاعب اللي قدامك ده الزمالك كان هيمشيه مرتين في خلال سنه واحده بس و مستغني عن خدماته تماما !

يشاء ربنا ان رحيله في المرتين يفشل و يفضل موجود عشان ينزل من الدكه و يسجل امام الاهلي هدف غالي جدا و يجيب السوبر الافريقي للزمالك !


عشان بعدها يبقي هداف الزمالك في الدوري ب 11 هدف و كان فاضله هدفين و يبقي هداف الدوري مع انه كان بديل و مش اساسي !

عشان النهاردة ينزل من الدكه و يسجل هدف التعادل امام بيراميدز و يجيب كاس مصر للزمالك !

كان لاعب غير مرغوب فيه ، كان بديل و مش اساسي

مع ذلك متكلمش و معملش اي مشكله و ركز في شغله و بس لحد ما جاب بدراعه بطولتين للزمالك و انقذ موسم الزمالك حرفيا !

كرة القدم انصفت من يستحق في النهايه الزمالك بطلا لكاس مصر

ناصر منسي هو عيديه العيد بل عيديه السنه كلها لكل الزملكاوية ❤️

ناصر منسي يسجل في النهائي الزمالك يكسب♥️

بقا وش السعد بقت علامة مميزة بقت دعوة للتفاؤل بقت بعث للأمل

لولا الجول ده مكنش الزمالك صدق نفسه وقرص وداس وكل لاعب فتح على الرابع

لحد ما في لاعيبة وقعت في الشوط الاضافي التاني بالخلفية والضامة بعد ما جريت فوق طاقتها

ناصر في كل مرة بيلعب بيكون مؤثر وحاسم ومرتين منهم كان سبب ان فريقه يكسب بطولتين في ظروف صعبة

انا حقيقي ممتن لناصر ولكل الاسباب والأشخاص اللي تسببوا في انه يكمل هنا

ناصر يستاهل كل كلمة فحقه .. ناصر السوبر الاسطورة♥️

في نقطة حابب اتكلم فيها بخصوص ناصر منسي،وهي أن مع كل مره بيسجل فيها ناصر بيخرج كلام كتير بس كله بعيد عن الجزء الفني

( مرزق,دعوات،سالك،غلبان ) علي عيني وراسي والله كل الكلام ده لكن الجزء ده لوحده مش كفايه ياجدعان ..

ما الناس الغلابه كتير عادي،لكن فعليا ناصر عنده نقاط مش موجوده في أغلب المهاجمين المحليين

انت لو ركزت في جميع اهداف ناصر منسي هتلاحظ أن اللاعب بيقدم تحركات ممتازه جدا

يعني عند مثلا هدف انهارده اتحرك بشكل عرضي الاول علشان يبعد عن التسلل وبعدها طلب الكره في ضهر المدافع

هدفه في مرمي الاهلي في السوبر اخد خطوتين للخلف علشان يبعد عن رقابة ياسر بعدها قدر يسرقه علي القائم الاول ..

كلها تحركات مطلوبه من المهاجم وهو بينفذها ودي كلها أمور فنيه مفترض نتكلم فيها ونركن الكلام التاني ده شوية

اه هو مش مهاجم متكامل لكن تقدر تقولي مصر فيها كام مهاجم متكامل اصلا ؟ معتقدش إن في حد حاليا محلي افضل من ناصر منسي …

من الظلم أن بعد كل تألق الناس تكتب نفس الكلمتين وكان اللاعب ده مبيتعملش أو بيحاول يصلح من أخطاءه

ناصر من ايام البنك وهو عنده بوادر جيده مشتغلش نفسه كتير علشان يطورها

لكن واضح الفتره الاخيره أن هو مركز وبيقدم حاجات كويسه ده بعيد عن كونه لاعب طيب وغلبان ولا لا .

تحركات ناصر ممتازه جدا بالمناسبة قدرته علي وضع نفسه في وضعيات جيده أمام المرمي بتساعده في التهديد

ناصر قدر يكون هداف الزمالك وتاني هداف الدوري وهو مبيشاركش بشكل أساسي

وكمان قدر يحقق ده في وقت الفريق مبيصنعش فيه عدد كافي من الفرص اساسا ..

شوية من الإنصاف بصراحه لناصر منسى الاسطوره الزملكاويه

شيكابالا ملك كل أرقام الزمالك القياسية ختم اللعبة فرديا وجماعيا

مساهمات تهديفية الأكثر مساهمة للأهداف ١٦٩ مساهمة تهديفية

صناعة الأهداف الأكثر صناعة للأهداف ف تاريخ الزمالك ٩٣ أسيست

بطولات الأكثر تتويجا في تاريخ الزمالك بالبطولات 18 لقب

قائد أكثر قائد رفع بطولات فى تاريخ الزمالك ١١ لقب أفضل فترة قائد ف تاريخ الزمالك

مباريات قمة الأكثر ف تاريخ الزمالك مساهمة فى مباريات القمة ١٢ مساهمة وتاني أفضل حصيلة مساهمة ف تاريخ القمة

مباريات نهائية الأكثر ف تاريخ الزمالك مساهمة ف المباريات النهائية ٧ مساهمات تهديفية

مسابقات قارية تاني أكتر لاعب ف تاريخ الزمالك مساهمة بالأهداف ٣١ مساهمة تهديفية

شيكابالا أسطورة الزمالك الوحيدة 🤍

نطاق الرياضة

• جميع أخبار الكره الاردنيه اليوم
• صفقه ليفربول فلوريان فيرتز
• كاس العالم برعايه البرازيل حتى الان
• اول انتصار عربى فى كاس العالم
• الاهلى محتاج معجزه للتاهل