الراس الاخضر يقترب من التأهل على حساب الكاميرون

شايف الاحتفالات الهيستريه دي ؟

الاحتفالات دي حصلت النهاردة بسبب معجزه كبيره عملها المنتخب الافريقي اللي قدامك ده !

المنتخب ده هو منتخب الراس الاخضر و ده منتخب اتأسس في سنة 1982 و انضم الي الفيفا في 1986 ، يعني بقاله 39 سنة في الكورة !

المفاجأه بقي ان منتخب الراس الاخضر كسب النهاردة الكاميرون في تصفيات كاس العالم بهدف نظيف عشان يوصل للنقطه رقم 19 في صداره المجموعه ! ويقترب من التأهل لكاس العالم

الراس الاخضر فاضله مباراتين ، لو كسب منهم مباراة هيتاهل الي كاس العالم في حدث تاريخي بيحصل لاول مرة

عشان كدة الجمهور نزل الملعب و احتفل بالشكل الهيستيري ده !

جه اليوم اللي نشوف فيه منتخبات كانت مغموره زي الراس الاخضر بتصعد الي كاس العالم علي حساب كبار القاره زي الكاميرون و هي دي متعه كرة القدم انه ملهاش كتالوج

الحل دلوقتي لمنتخب ليبيا انه يكسب الراس الاخضر داخل الارض و يكسبوا مورشيوس

و يستنوا ان الكاميرون تتعادل مباراة علي الاقل امام انجولا او مورشيوس عشان يدخلوا ضمن حسابات افضل ٤ تواني و يروحوا الملحق

باذن الله ده السيناريو اللي يحصل و ليبيا تروح الملحق علي الاقل

جنوب افريقيا الاول علي نيجيريا و هيتاهلوا علي حسابهم

الراس الاخصر الاول علي الكاميرون و هيتاهلوا علي حسابهم

الكونغو لسة بتنافس مع السنغال

الجابون لسة بتنافس مع كوت ديفوار

مدغشقر و جزر القمر لسة بينافسوا مع غانا

الكلام ده مكنش بيحصل زمان

مفيش غير المغرب و تونس اللي حسموا التاهل للمونديال

الراس الاخضر يقترب من التاهل

sportnews.it.com