الاهلي يفوز على الزمالك ويصل للفوز رقم 100 على الزمالك في مختلف البطولات

انا عايزك تتخيل معايا ان من شهر بالظبط الزمالك كان متصدر الدوري ب 10 نقاط

و الاهلي كان معاه 5 نقاط بفوز واحد بس من اول 4 مباريات !

انا عايزك تتخيل معايا انه تم التريقه علي الاهلي من 10 ايام بالظبط عشان كان في المركز ال 16 و الحقوا الاهلي عشان ناوي يهبط !

انا عايزك تتخيل معايا ان اشخاص زي عمرو الدرديري و ايمن عبد العزيز طلعوا مع مهيب عبد الهادي قبل المباراة و قالوا بكل ثقه ان الزمالك هيكسب الاهلي و بسكور كبير كمان !

تخيل بقي ان الاهلي النهاردة و هو في اسوا حاله ممكنه كسب الزمالك المتصدر

و الفارق اصبح نقطتين فقط و لو الاهلي كسب المباراة الناقصه بتاعته هيعدي الزمالك فرق نقطه و ممكن يتصدر الدوري لحد ما بيراميدز يلعب مبارياته !

درس مباراة القمه النهاردة ، اوعي تقلل من الاهلي مهما كانت حالته لانه قادر يقلب الموازين في اي وقت لصالحه

الاهلي يفوز على الزمالك ويصل للفوز رقم 100

المشهد العظيم اللي قدامك ده حصل النهاردة في مباراة الاهلي و الزمالك

و بيثبت ان اشرف بن شرقي مش لاعب بسكوته و بيعرف يدافع عادي !

الدقيقه 59 و الزمالك متقدم بهدف و راح بهجمه خطيره جدا و مفيش ظهير ايسر في الاهلي

و ناصر ماهر رايح علي القائم البعيد يهاجم المساحه لوحده !

لك ان تتخيل بقي ان اشرف بن شرقي البسكوته راح عمل سبرينت ناحيه الشناوي و اتحول من جناح الي ظهير

و فضل يرصد و يتابع حركه ناصر بعينه عشان يعمل تغطيه عكسيه مفهاش غلطه !

فكانت النتيجة ان بن شرقي استبق علي القائم البعيد و حط نفسه امام ناصر ماهر

و شال الكرة من تحت رجله و انقذ الاهلي من هدف محقق !

انقاذ اسطوري من بن شرقي كان نقطه تحول المباراة للاهلي

الصورتين اللي قدامك دول حقيقي في منتهي الجمال و المثاليه !

الصورة اللي فوق دي كانت من 4 شهور بالظبط ، امام عاشور قبل مباراة فاركو الاخيره في الدوري كان مسجل 12 هدف مناصفه مع اسامه فيصل مهاجم البنك الاهلي !

المبهر بقي ان في اخر لحظات المباراة حسين الشحات جالوا الانفراد ده و المرمي فارغ و كان سهل يسجل هدف لكنه قرر يمرر الكرة بكعبه عشان امام يسجل و يبقي هداف الدوري ب 13 هدف !

الصورة اللي تحت دي بقي كانت النهاردة في مباراة الاهلي و الزمالك ، حسين الشحات نزل من الدكه و سجل هدف و كسب ركله جزاء و الاهلي كسب بسببه بعد ما كان خسران !

عشان يحصل المشهد العظيم ده ، حسين الشحات مسك تيشيرت تريزيجيه اللي سجل الهدف التاني و قال للجمهور تريزيجيه النجم بتاعنا هو اللي كسبنا المباراة ، مشهد ايقوني !

قرر ينجم زمايله مع انه النجم الحقيقي ، التواضع و السلكان في ابهي صوره من حسين الشحات

الاهلي قعد 70 دقيقهاستحواذ سلبى بتريزيجيه و طاهر و مفيش لاعب قادر يبتكر في اي قرار و الزمالك كسبان و خلاص مفيش امل للاهلي !

لحد ما نزل العبقري حسين الشحات و في خلال 7 دقائق بالظبط كان مخلي الاهلي مسجل هدفين و جاب 3 نقاط بدراعه من الاخر !

تمريره بينيه عبقريه في ضهر الدفاع و تحرك للمساحه و سجل هدف ، ثم يدخل بجسمه علي الكرة و بيكسب ركله جزاء في غايه الذكاء ، دخل حسم المباراة بشكل مرعب حرفيا !

الكورة اختارت حريف الشوارع و مفيش حريف النهاردة غير حسين الشحات اللي جاب مكسب عظيم و اغلي من الياقوت للاهلي

احمد نبيل كوكا لازم يكون فخور بنفسه

الراجل ده كان هيتباع في اول الموسم و كان خلاص رايح قاسم باشا التركي و الاهلي هيستفيد من بيعه بفلوس محترمه جدا !

راحت الصفقه فشلت بسبب خلاف علي طريقه السداد و كمل مع الاهلي في النهايه و اتقال له صراحه كدة انت هتلعب ظهير ايسر مع انه لاعب وسط !

و مع اصابات كريم فؤاد و محمد شكري راح شال مكان معلول مرة واحده و هو اصلا ميعرفش اساسيات المركز ، متخيل الضغط !

و في وسط كل ده اتقال له انت هتلعب امام خوان بيزيرا امهر جناح ايمن في الدوري في مباراة القمه ، واقف مستني القاضيه من الاخر !

لكن المفاجاة اللي حصلت انه متراوغش ولا مرة من خوان بيزيرا و كان بيتذاكي عليه ب انه يستبق علي الكرة و يعمل عليه فاولات قبل ما يستلم عشان يمنع المواجهه الفرديه من اساسها !

احمد نبيل كوكا لازم يكون فخور بنفسه ، لان في وسط ما الكل مكنش واثق فيه و هو نفسه كان مهزوز الا انه كسر كل التوقعات السلبيه و خرج من مباراة القمه منتصر

sportnews.it.com