جوهرة الجزائر الأمين عمورة

“الكثير من الموهبة يقابله الكثير من الانضباط والاجتهاد”

الجملة دي تختصر حكاية محمد الأمين عمورة، اللي قدر في وقت قصير جدًا يبقى واحد من أهم عناصر منتخب الجزائر

من أول ظهور ليه وهو ماشي بثقة وثبات، والمدرب بيتكوفيتش معتمد عليه بشكل أساسي، لأن الأرقام ببساطة بتتكلم لوحدها.

الولد ده مثال للاعب المنضبط داخل وخارج الملعب، جاهز بدنيًا في أي وقت، سريع بشكل مرعب، وفعّال قدام المرمى، عمورة مش بس بيعرف يسجل، ده بيفكر بسرعة، بيختار مكانه صح

وعنده ارتقاء عجيب رغم إنه مش طويل، يعني حرفيًا بيجمع بين عقل المهاجم وجرأة المفترس.

أرقامه في تصفيات كأس العالم 2026 مخيفة: 9 ماتشات، 8 أهداف، و4 أسيست.

يعني 12 مساهمة تهديفية من لاعب لسه بيبدأ طريقه الدولي، وده يخليه تاني هداف التصفيات وتاني أكتر لاعب مساهم بأهداف.

اللي يزود الإعجاب إن 5 بس من الماتشات دي لعبهم أساسي، وبرغم كده بيصنع الفارق كل مرة بينزل فيها.

ده غير إن كل هدف ليه له طعم مختلف.

يمين، شمال، رأسية، كله موجود، التنوع ده مش صدفة، ده شغل وتطور واضح.

من شوارع “جيجل” لنجومية فولفسبورج في ألمانيا، ومن هناك لهداف تصفيات المونديال مع الجزائر.

محمد الأمين عمورة بيكتب قصة حلم جزائري جديد، والحلم ده لسه في أوله

جوهرة الجزائر محمد الأمين عمورة

الكنز اللي عند الجزائر دا قدر يشد منتخبه هو وباقي النجوم للتأهل لكأس العالم.

وعمل بطولة عظيمة جدا

عمورة هو تاني هدافين تصفيات كاس العالم في افريقيا
بـ 8 اهداف، بعد صلاح 9 اهداف… ومش بس كدا

هو كمان تاني اكتر لاعب ساهم بأهداف بـ 12 اهداف بالتساوي مع صلاح برضو.. بعد جوردان آيو اللي مساهم بـ 14

ابن نادي وفاق سطيف اللي كان هينضم من 3 سنين للأهلي المصرى
حاليا من نجوم المنتخب الجزائري وما شاء لله مكسر الدنيا في الدوري الالماني مع فولفسبورج

في موسم 21/22 انتقل عمورة من وفاق سطيف لنادي لوجانو السويسري، وبعدها انتقل لنادي يونيون جيلواز البلجيـكي موسم 23/24 وعمل موسم خيالي.. ساهم بـ 22 هدف في الدوري البلجيكي ك ثالث اكتر لاعب ساهم بأهداف

وبعد موسم واحد فقط انتقل لـ فولفسبورج، والموسم الماضي ساهم معاهم بـ 19 هدف

المركز الثامن في الدروي كله، جوهرة حقيقية عمورة ما شاء الله

منتخب الجزائر عنده كنز كبير جدا اسمه ” محمد الامين عموره “

النهاردة محمد الامين عموره بيسجل هدفين مع الجزائر امام الصومال في تصفيات كاس العالم ، هدف بقدمه اليمني و هدف تاني برأسيه !

المبهر في عموره هو قدرته علي الوصول الي اقصي سرعه في اقل زمن ممكن ، تسارعه مرعب حرفيا و في نفس الوقت ارتقاءاته مذهله و عنده توجيه ممتاز للكرة برأسه عشان كدة طرق التسجيل عنده متنوعه !

تخيل معايا بقي ان عموره لعب 8 مباريات في التصفيات منهم 5 كاساسي فقط و قدر يبقي تاني هدافين التصفيات ب 8 اهداف و تاني اكتر لاعب ساهم باهداف ب 12 هدف و عموما في اخر 6 مباريات مع الجزائر ساهم ب 12 هدف !

من اللعب في شوارع جيجل الي هداف فولفسبورج في البوندسليجا و هداف تصفيات كاس العالم مع الجزائر و ما زال للحلم بقيه ل فخر كرة القدم الجزائرية ، محمد الامين عموره

رسميـــا منتخب الجزائر يتأهل بـ كاس العالم

المنتخب الجزائري يلحق بركب المتأهلين لمحفل 2026 في امريكا والمكسيك وكندا، ويلحق بـ مصر وتونس والمغرب من دول شمال إفريقيا المتأهلين للمونديال

الجزائر حقق فوز سهل علي الصومال 3/0
بهدفين من ثاني هداف التصفيات بـ 8 اهداف ” الأمين عمورة ” وجوهرة المستقبل للجزائر

بالإضافة لهدف للنجم رياض محرز..
تأهل مستحق للمجموعة، بالرغم من منافسة أوغندا لآخر لحظة

مبروك لكل اخواتنا فى الجزائر

بعد غياب عن اخر نسختين ، منتخب الجزائر بينجح النهارده في التأهل رسميا الي كاس العالم لاول مرة من 2014 بعد الفوز علي منتخب الصومال بثلاثيه نظيفه !

انا لسة فاكر لحد النهاردة اخر مشاركه للجزائر في كاس العالم 2014 ، كانت نسخه تاريخيه بدأت بالصعود الي ثمن النهائي علي حساب روسيا و كوريا و انتهت ب اداء اسطوري امام المانيا و الخساره بصعوبة في الاشواط الاضافيه !

النهاردة الجزائر بترجع تاني بقوه و هتشارك في مونديال 2026 و المبهر ان الجزائر هم اكتر منتخب سجل اهداف في التصفيات برصيد 22 هدف و بيمتلكوا قائمه متنوعه تخليهم مرشحين للفوز ب امم افريقيا !

فوز بثلاثيه نظيفه ، اقوي هجوم في التصفيات ، الجزائر بتتأهل للمونديال للمرة الخامسه في تاريخها عن جداره و استحقاق

رسمياً.. الجزائر راجعة للمونديال بعد غياب طويل

محاربي الصحراء بيكتبوا فصل جديد في التاريخ، بعد ما فازوا على الصومال بثلاثية نظيفة وتأهلوا رسميًا لكأس العالم 2026.

عودة قوية من منتخب عنده شخصية، وعنده جيل عايز يثبت إن اللي حصل في 2014 ما كانش صدفة.

الليلة كانت ليلة رياض محرز بامتياز، صنع الأول، سجّل التاني، وصنع التالت كمان.. ورغم تألقه، ما نقدرش ننسى ثنائية عمورة اللي خلّت التأهل يتحسم بدري جدًا.

الجزائر مش بس فازت.. الجزائر استعرضت.

المنتخب ده مرعب هجوميًا.. 22 هدف في التصفيات.. أقوى خط هجوم عربي وإفريقي، مجموعة فيها محرز، بن سبعيني، بوعناني، وعمورة

الكره الافريقية مزيج من الخبرة والحماس، يخليهم مرشحين بقوة لأمم إفريقيا كمان.

وبكده يكونوا خامس منتخب عربي يحجز مكانه في كأس العالم 2026.. الجزائر، مصر، تونس، المغرب، والأردن،

العرب في المونديال الجاي هيكون ليهم كلمة والعالم كله هيسمعها بالعربي.

محمد الأمين عمورة هو لاعب كرة قدم جزائري

يلعب في مركز الجناح في نادي لوغانو.

تاريخ ومكان الميلاد: 9 مايو 2000 (العمر 25 سنة)، الطاهير، الجزائر

الفرق الحالية: نادي فولفسبورغ ، منتخب الجزائر لكرة القدم

الطول: 1.68 م

تواريخ الانضمام: 2024 (نادي فولفسبورغ)

2023 (روايال أونيون سان جيلواز)

2020 (وفاق سطيف)

الجنسية: جزائرية

sportnews.it.com