منتخب تونس حقق النهارده انجاز عظيم جدا في كاس العالم للناشئين !

منتخب تونس تحت 17 سنة قدم اداء فاخر و فاز علي منتخب فيجي بسداسيه نظيفه في اول مباراة في كاس العالم للناشئين عشان يحقق اكبر انتصار في تاريخ مشاركاته في كاس العالم !

المبهر بقي ان منتخب تونس اصبح اكتر منتخب فاز في مباريات في كاس العالم ب 7 انتصارات و كمان اصبح اكتر منتخب عربي سجل اهداف في تاريخ كاس العالم ب 22 هدف ، انجاز تاريخي !

اقصي انجاز عملوا منتخب تونس في كاس العالم للناشئين هو الصعود الي ثمن النهائي في 2007 و 2013

لكن تونس بتحلم السنة دي مع مواهب ممتازه زي وسيم سلامه و انيس سعيدي و فادي الطياشي بتحقيق انجاز اكبر يشرف كرة القدم التونسيه

للاسف الشديد ، منتخب المغرب تحت 17 سنة خسر النهاردة اول مباراة في كاس العالم للناشئين من اليابان بنتيجة 2 / 0 !

منتخب المغرب للاسف استقبل الهدفين من غلطات فرديه ساذجه جدا و المشكله الاكبر ان المغرب اتأثر بشكل مش طبيعي بغيابات بعض العناصر الاساسيه اللي حققت امم افريقيا !

امين الوهابي ” ارتكاز المنتخب “
الياس بل مختار لاعب موناكو ” جناح المنتخب “
نسيم المسعودي لاعب ليفركوزن ” مدافع المنتخب “

اصابه 3 عناصر اساسيه و في غايه الاهميه اجبروا المدرب نبيل باها يلعب بخطه دفاعيه النهاردة و الفريق كان بيخسر الكرة بشكل كبير بسبب اللعب المباشر المبالغ فيه !

منتخب المغرب لسة مودعش البطولة ، لسة هيلعب مع البرتغال و كاليدونيا الجديده و كمان في 8 منتخبات هيتأهلوا كافضل توالت ، لسة في فرصه كبيره في التأهل ، كل الدعم لمنتخب المغرب

عندي ليكم خبر حلو و خبر مش حلو بخصوص انتصار مصر فى اول مباراه فى كاس العالم

الخبر الحلو ان منتخب مصر تحت 17 سنة كسب منتخب هايتي النهاردة برباعيه مقابل هدف في اول مباراة في كاس العالم للناشئين و حقق اول 3 نقاط !

الخبر اللي مش حلو بقي ان منتخب مصر صنع 10 فرص محققين للتسجيل كلهم انفرادات امام المرمي و ضيع منهم 7 يعني منتخب مصر كان سهل اوي يكسب 11 النهاردة و كان ممكن يحقق تاني اكبر نتيجه في تاريخ كاس العالم ، شئ يحزن !

فرق الاهداف الضخم ده كان ممكن يساعدنا لو حصل تساوي في النقاط مع منتخبات قويه لسة هنلاعبها زي انجلترا و فينزويلا تالت اميركا الجنوبية لكن للاسف مستغلناش ده !

من شهر بالظبط منتخب الشباب خسر من نيوزيلندا المصنف رقم 85 و اسامه نبيه مدرب المنتخب طلع قال انا مقدرش اكسبهم

عشان يرد عليه احمد الكاس النهاردة و يكسب هايتي بسهوله برباعيه مع الرأفه نادى الزمالك

اللاعب المصري اللي قدامك ده فعلا كنز كبير لكرة القدم المصرية !

اللاعب ده اسمه ” يونس ابراهيم ” و بيلعب صانع العاب في نادي برايتون الانجليزي و عنده 17 سنة بس و معاه 4 جنسيات منهم المصرية

يونس بدون اي مبالغات مكسر الدنيا في انجلترا ، يونس لعب امبارح مع فريق برايتون تحت 21 امام ليدز في الدوري و سجل الهدف العالمي اللي قدامك ده ، عمل فينت عبقري تجاوز بيه المدافع و سدد من خارج المنطقه و سجل هدف !

انا عايزك تتخيل معايا ان يونس لعب الموسم ده 9 مباريات مع برايتون ك اساسي و ساهم ب 9 اهداف ، ده غير انه بيقاوم الضغط بشكل مثالي و منفذ ممتاز للكرات الثابته ، موهبه مبهره !

اجمل حاجة بقي ان لجنه المحترفين قدرت تقنع يونس بتمثيل منتخب مصر ، الولد ده هيبقي اضافه عظيمه بالمعني الحرفي

sportnews.it.com