انجاز تاريخى بيراميدز يتوج باللقب الافريقى لاول مره فى تاريخه
يتوج بيراميدز باول لقب قارى له فى التاريخ على حساب منافسه صن داونز
بيراميدز كسب صن داونز في نهائي دوري ابطال افريقيا 2 / 1 بعد مباراة كبيرة
و رجوليه حرفيا و حققوا اول بطولة افريقيه في تاريخهم !
بيراميدز احترم الكورة السنة دي ، عملوا مشروع متكامل الاركان اهم ما فيه هو تعاقدهم
مع مدرب متمرس تكتيكيا و محفز قوي لكل اللاعبين زي يورشيتش !
بيراميدز كان اقوي فريق في البطولة السنة دي
كسبوا الترجي و الجيش الملكي و اورلاندو بايرتس و صن داونز !
اكتر فريق سجل اهداف في البطولة : 24 هدف !
اكتر فريق صنع فرص محققه للتسجيل في البطولة : 29 فرصه !
بيراميدز شرف اسم مصر في افريقيا ، بطل افريقيا عن جداره و استحقاق ويتوج باللقب
فوز مستحق جدا جدا لبيراميدز ومدربه يوريسيتش
اجمالى 180 دقيقة ممتازه جدا ذهاب وعوده قدر يفوض تفوقه وسيطرته علي المباراه
كان الطرف الأفضل ذهاب وعوده ..
تحضير ممتاز ممتاز للفاينال محدد هو عاوز ايه وبناءا عليه هو محفظ كل لاعب مطلوب منه ايه الفريق قدم نموذج ممتاز في الكتله المتوسطه
في الضغط من بعد وسط الملعب وفي الضغط ومنع صن داونز من التدرج بالكره ..
مرحلة ال progression ال تعتبر أهم مراحل صن داونز بيراميدز قدر يمنعه منها بنسبة كبيره عن طريق عزل خطوط الفريق
وفصل وسط الملعب عن باقي الخطوط،الفريق كان بيحرك صن داونز للأطراف
وده لان العمق مغلق تمام بهيكل ال 4-4-2 واستغلال ال box الدفاعي اللى بيتعمل عن طريق ثنائي الهجوم
مايلي والكرتي وفي ضهرهم مهند وبلاتي في غلق عمليات التمرير للاعبي وسط صن داونز …
تتويج بيرميدز بدورى ابطال افريقيا انجاز تاريخى للكره المصريه
الممتاز اكتر أن بيراميدز في أوقات الاستحواذ علي الكره كان بيقدر يكون ند خطير وقوي
بيقدر يصنع معدلات فرص مقبولة وبيقدر يستحوذ علي الكره لفترات مش مجرد مباراة دفاعيه
لا ده حتي وهو محتاج التعادل السلي بيروح ويهاجم وبيسجل هدف واتنين ..
بطولة مستحقه ومشوار ممتاز ونقطه مفصليه في مشوار بيراميدز الفوز ببطولة أفريقيا …
في الصورة اللي فوق دي هتشوف رد فعل مدرب بيراميدز
” كرونوسلاف يورشيتش ” بعد فوز فريقه بأول دوري ابطال افريقيا في تاريخهم
طب ليه حط ايده علي دماغه و مكنش مصدق الانجاز ده ، تعالي اقولك
يورشيتش بدأ مسيرته التدريبيه في بلده كرواتيا ، درب نادي ” بولا ”
في 2006 و قدر يخلص الموسم معاهم في المركز السادس و ده كان اكبر إنجاز للنادي في الدوري الكرواتي !
بعدها درب في 2007 نادي ” سلافن بيلوبو “
و قدر يخلص الموسم معاهم في المركز التاني و ده كان اكبر إنجاز للنادي في الدوري الكرواتي و قدر يتاهل بيهم الي كاس الاتحاد الأوروبي !
بعدها درب كرونوسلاف يورشيتش نادي ” دينامو زغرب ” علي 3 فترات كان كلهم نجاحات
الفترة الاولي قدر يكسب ثنائيه الدوري الكأس في 2009
وايضا الفترة التانيه قدر يتأهل بيهم الي دوري ابطال اوروبا في 2012
الفترة التالته قدر يكسب ثنائيه الدوري و السوبر في 2013
يورشيتش كان معروف في كرواتيا انه بيحب يدخل تحديات كتير عشان كدة في 2018
خرج من منطقه الراحه في بلده كرواتيا و قرر يدرب في البلاد العربيه !
يورشيتش درب النصر السعودي و بني ياس الاماراتي و النصر الاماراتي لكنه مقدرش يستمر وقت طويل
و تمت اقالته في النهايه من النصر الاماراتي في 2021 و استمر 3 سنين بدون نادي !
عشان ييجي بيراميدز في 2024 يتعاقد مع يورشيتش و يكسب بيهم لقب كاس مصر
و اليوم يكسب بيهم دوري ابطال افريقيا لاول مرة في تاريخ النادي !
رد فعل يورشيتش ده رد فعل واحد مش مصدق الواقع اللي بيعيشوا
من 4 سنين تمت اقالته و النهاردة بيكسب اول لقب قاري في مسيرته التدريبيه
و بينجح اخيرا في البلاد العربيه بعد معاناه و مجهود كبير !
كرونوسلاف يورشيتش ، المجد للمجتهدين
ماهو الواحد مش هيزهق من الكلام عليه الحقيقة
تحفه فنيه داخل الملعب،رجح كافة بيراميدز بشكل رهيب علي مدار السيزون ومنذ قدومه،مفتاح لعب هجومي رهيب ياجدعان ..
انت بتتكلم أن ظهير في نهائي دوري الأبطال وصلت دقة عرضياته الي 50% نسبة عظيمه جدا بالمناسبة 3/6
وقدر يصنع الهدف الثاني وبيوصل للمساهمه رقم 13 مع بيراميدز هذا الموسم …
الحقيقه ماشوفتش حد بيرفع عرضيات بوضعيات مختلفه زي الشيبي ومن اي منطقه في الملعب وقادر يوصلها بدقة وقوة مناسبة جدا
بينفذ عرضيات من وضع الحركه ومن وضع الثبات ومن كرات ثابته،بينفذ عرضيات من الممر الداخلي ومن اخر الخط بشكل عادي …
غير كده شخصيته ممتازه وعنده حضور طاغي في كل المباريات الكبيره،والحقيقه انا مش عارف مين اللى أخترع جملة اصله ضعيف دفاعيا دي
وانا ماشوفتش جناح قدر يتفوق عليه، غير كده قوي في الالتحامات وفي التغطيه العكسيه …
الظهير الأيمن محمد الشيبي
مع بيراميدز موسم 2024/25
أفضل ممرر في الدوري (7)
ثاني الأكثر صناعة للفرص المحققة في الدوري (6)
وايضا ثالث أفضل ممرر في دوري الأبطال (3)
ثاني الأكثر صناعة للفرص المحققة في دوري الأبطال (6)
اللاعب اللي قدامك ده مبهر ، مبهر الي اقصي حد يعني !
تخيل مسيرتك تبقي اغلبها اعارات و تقعد 6 شهور مرتين بدون نادي ، محدش عايزك اصلا !
و تيجي النهاردة و انت عندك 32 سنة تلعب اول نهائي افريقي في مسيرتك و تبقي افضل لاعب
و تصنع هدف عظيم و تصنع 3 فرص كاكتر لاعب و تبقي سبب كبير في تتويج بيراميدز باول بطولة في التاريخ !
محمد الشيبي ظهير شامل مفيش حاجة مبيعرفش يعملها
عرضياته المقوسه خياليه ، تعالي ابهرك بارقام محمد الشيبي السنة دي بالرغم انه ظهير !
اكتر لاعب صنع اهداف في الدوري : 7 اسيست !
تاني اكتر لاعب صنع فرص محققه في الدوري : 6 فرص !
صنع 3 اهداف في دوري ابطال افريقيا منهم صناعتين في نصف النهائي و النهائي !
تاني اكتر لاعب صنع فرص محققه في دوري ابطال افريقيا : 6 فرص
تاني اكتر لاعب صنع فرص في العموم : 23 فرصه
المفاجأه بقي ان محمد الشيبي هو افضل ظهير داخل قاره افريقيا
و مش اساسي في منتخب المغرب بسبب اسمين كبار جدا زي اشرف حكيمي و نصير مزراوي ، متخيل !
يا بخت بيراميدز بالمغربي محمد الشيبي حرفيا
نطاق الرياضة
- جميع أخبار الكره الاردنيه اليوم
- صفقه ليفربول فلوريان فيرتز
- كاس العالم برعايه البرازيل حتى الان
- اول انتصار عربى فى كاس العالم
- الاهلى محتاج معجزه للتاهل
اترك تعليقاً