جوائز وارباح الانديه من بطوله كاس العالم للانديه

ارباح الاندية من بطولة كاس العالم للاندية .. حرفياً ارقام فلكية .. في اندية تقريباً غطت مصاريف الميركاتو بتاعها وبقا معاها فائض كمان

🔹 تشيلسي (114.5 مليون دولار)
🔹باريس سان چيرمان (107 مليون دولار)
🔹ريال مدريد (82.5 مليون دولار)
🔹فلومينينسي (61 مليون دولار)
🔹بايرن ميونيخ (58 مليون دولار)
🔹بروسيا دورتموند (52 مليون دولار)
🔹مانشستر سيتي (52 مليون دولار)

تقريباً اكتر فرقة كسبانة هي فلومينينسي .. 61 مليون دولار ده تقريباً يغطي مصاريفهم وزيادة

اما تشيلسي فالمكاسب دي هتغطي ميزان اللعب المالي النظيف بالمستريح ويقدر يكمل تعاقدات عادي

نفس القصة بالنسبة لباريس سان جيرمان اللي مكاسبه هتقدر تخليه يعمل مستوى تعاقدات قوي للغاية

ريال مدريد برضو يُعتبر شبه عوض نصف اللي صرفه في الميركاتو لحد دلوقتي وقادر مع الفلوس دي يصرف تاني كمان

تشيلسي بطلا لكأس العالم للانديه

قبل مباراة باريس سان جيرمان و تشيلسي في كاس العالم للانديه في صحفي سأل ماريسكا مدرب تشيلسي عن مدي معاناه فريقه في الضغط امام باريس ؟

ماريسكا بكل ثقه رد عليه و قال له عيد كدة اللي انت قولتوا ده و لما الصحفي عاد الكلام تاني راح ماريسكا قال له مين قالك الكلام ده !

فكانت النتيجة ان تشليسي النهاردة قدم اقوي منظومه ضغط امام باريس بطل اوروبا و خدوهم غسيل و مكوه و كسبوهم بثلاثيه نظيفه في نهائي كان من طرف واحد فقط اسمه تشيلسي !

تشيلسي اتقلل منه كتير الموسم ده لكنه في النهاية احرج الجميع ، كسب كاس العالم للانديه و كسب دوري الموتمرات الاوروبي و كسب 124 مليون دولار قيمه جوائز كاس العالم للانديه !

واحد من انجح مواسم تشيلسي علي الاطلاق ، موسم عظيم ل فخر لندن حرفيا

تلاتة يا تشيلسي !
تلاتة في باريس بطل اوروبا في نهائي كاس عالم و في شوط واحد !
ايه العظمه دي حرفيا !!!

تشيلسي عمل اللي مقدرش يعملوا ريال مدريد و انتر و ارسنال و ليفربول ، قدر يكون الفريق الوحيد اللي اتحكم في المباراة بشكل كامل امام باريس سان جيرمان الموسم ده !

ضغط عالي و منخفض في منتهي العظمه !
تحولات خلف الاظهره في منتهي العظمه !
فوز ب التحامات في منتهي العظمه !
بدنيا و نفسيا و تكتيكيا ماريسكا اكل انريكي حرفيا !

تشيلسي فريق عظيم اوي و مشجعين تشيلسي لازم تفتخر بفريقها و بمدرب زي ماريسكا ، يستحقوا لقب فخر لندن

sportnews.it.com