إدراة الاهلى علامه استفهام حول مستقبل المدرب الجديد
مصدر نطاق الرياضة- الاهلي رشح اتنين مدربين واحد فيهم هيتم التعاقد معاه الاول هو اورس فيشر مدرب يونيون برلين السابق ،
و التاني هو الراجل اللي قدامك ده !
الراجل ده عنده 70 سنة و اسمه ” فيرناندو سانتوس ” و هو مدرب منتخب البرتغال في كاس العالم السابق ، ايوة بالظبط كدة اللي كان بيقعد رونالدو علي الدكه !
الكارثه ان الراجل ده في اخر 3 سنين تدريب عمل انجازات تاريخيه لدرجة انه تمت اقالته من 3 فرق !
درب منتخب بولندا لعب معاهم 5 مباريات خسر منهم 3 منهم خسارتين من مولدوفا و البانيا و تمت اقالته بعد 8 شهور بالظبط !
درب بشكتاش التركي لعب معاهم 17 مباراة كسب منهم 8 و خسر 5 و تمت اقالته بعد 3 شهور !
درب منتخب اذربيجان لعب معاهم 7 مباريات خسرهم كلهم اخرهم بخماسية نظيفه من ايسلندا من 10 ايام
و تمت اقالته من يومين بالظبط !
الاهلي لو معرفش يتعاقد مع اورس فيشر هتبقى مشكله كبيره جدا لان وارد يتم اقالته فى اى وقت لان جماهير الاهلى تبحث دائما عن الاتتصارات ولا بديل عنها
اسوأ اهلي ممكن تشوفوا في حياتك حقيقي !
زيزو اتصاب في التسخين ولعب و اتصاب في الشوط الاول و خرج !
ديانج لعب بين الخطوط و هو اصلا مبيعرفش يستلم بضهره ولا بيعرف يقف علي الكرة ولا هو صانع العاب !
بن شرقي دكة ، جراديشار دكة ، زيزو لما اتصاب نزل مكانه طاهر مش بن شرقي ، و في النهايه اتعادلت مع انبي بمستوي كارثي !
عاجبكوا عماد النحاس المدرب المصري ابن النادي ؟
لسة شايف ان المشكلة كانت في ريبيرو ؟
طب محدش فكر ان المشكلة ممكن تكون في المساعدين المصريين اللي لحد النهاردة مبيعرفوش يوظفوا اللعيبه و حرفيا صفر كورة !
لك ان تتخيل ان الاهلي دلوقتي في المركز ال 15 في الدوري ب 6 نقاط و يفرق عن الزمالك المتصدر ب 7 نقاط ،
اسوأ اهلي ممكن تشوفوا في حياتك حقيقي !
تريزيجيه وتخبط الأداء الفتره الاخيره
رجعت من الاحتراف و لعبت 7 مباريات و مسجلتش ولا هدف و قولنا ماشي !
اخدت ركلة الجزاء عافيه من وسام و زيزو و ضيعتها و بسببك الاهلي خرج من كاس العالم للاندية قولنا و ماله !
اتدلعت بما فيه الكفايه و لعبت اساسي كل الماتشات علي حساب بن شرقي و فضلت تشوط 60 الف شوطه في البعيده و كلهم ضاعوا !
لكن يوم ما تيجي تسجل هدف النهاردة امام انبي و بدل ما تعتذر للجمهور علي اداءك الضايع من بدايه الموسم
تروح تعملهم هوس و تقولهم اسكتوا كدة تبقي قله اصل و قله احترام و وجودك في النادي اكبر غلط !
فاكر نفسك صاحب النادي و انا اقدم واحد هنا و اعمل اللي انا عايزه و انت اصلا منجحتش في الاحتراف ولا عرفت تطور نفسك في صناعه الفرص
زي صلاح ولا تسديد الكرات الثابته زي مرموش ولا حتي بتعرف ترقص زي باقي الاجنحه ، طب بتعملنا هوس علي ايه !
عماد النحاس وخوسيه ريفيرو كل مدرب قاد الاهلي في 7 مباريات
- عماد النحاس = حقق الفوز في 6 مباريات وتعادل في مباراه
- خوسيه ريفيرو = حقق فوز وحيد ” وتعثر في 6 مباريات ”
- الاهلي مع عماد النحاس سجل 22 هدف ، الاهلي مع ريفيرو سجل 10 أهداف فقط
- الاهلي مع عماد النحاس إستقبل 6 أهداف ، الاهلي مع ريفيرو إستقبل 11 هدف
- الاهلي مع عماد النحاس خرج بشباك نظيفه في 3 مباريات ، الاهلي مع ريفيرو خرج بشباك نظيفه في مبارتين
أول تعثر في الدوري لمدربي الاهلي منذ بداية 2020 :-
رينيه فايلر = بعد 16 مباراه ” 0/0 أمام سموحة ”
– بيتسو موسيماني = في ثاني مباراه ” 0/0 أمام بيراميدز “
– ريكاردو سواريش = في أول مباراة ” أمام الجونه 0/0 ”
– مارسيل كولر = بعد 7 مباريات ” 1/1 مودرن سبورت ”
– خوسيه ريفيرو = في أول مباراة ” 2/2 أمام مودرن سبورت”
– عماد النحاس= بعد 7 مباريات ” 1/1 أمام إنبي ”
sportnews.it.com
ادارة الاهلى علامه استفهام
ادارة الاهلى علامه استفهام
اترك تعليقاً