اولا /سيبك من البلعوطي .. حارس رابع وكده اغلب حراس الدوري شبه بعض
سيبك من انه واحد حارسين من نفس النادي عادي حراس الدوري شبه بعض وأحمد زي الحج احمد
بس السؤال هنا
السؤال الاول ⭕️هو ليه عمر جابر مش موجود بجد ! يعني ايه ظهير عامل 4 اسيست اكتر من اي ظهير في الدوري بإستثناء الشيبي مش موجود ؟
ايه بيميز احمد عيد ومحمد هاني حالياً مش موجود في عمر جابر ؟؟
السؤال الثانى ⭕️وإيه طقم الدفيندرات اللي مفيش فيهم واحد موطن قوته ينقل كورة لقدام ويطور هجمة ده .. لا سام مرسي ولا مهند لاشين !!
بجدّ ايه مشكلتك مع الناس دي .. وليه لازم نص الملعب يبقى كله فواعلية مش كويرة !
السؤال الثالث ⭕️اه صحيح .. هي الباكات الشمال خلصت من الدوري ولا ايه طبب ! مفيش باك شمال كويس ؟ كريم الدبيس مثلا او حتى عمرو السعداوي !
السؤال الرابع ⭕️وليه 4 كلهم بيلعبوا محاور ارتكاز عادي ؟ إمام عاشور اللي فايق مؤخراً وهداف الدوري فين .. مين هيطور لك الهجمة !
هو لكل امانة .. مش حرام خط هجوم فيه صلاح ومرموش وتريزيجيه ومصطفى وزيزو تكون دي العقلية اللي بتديرهم !
دي ممكن تبقى اخر كاس امم افريقيا صلاح يشارك فيها لانه هيكون كمل 33 سنة !والجيل ده اغلبه على مشارف الـ30 كمان
انا مش عارف اقول ايه غير ربنا يستر ويارب يخيب ظني ويحصل عكس توقعاتي🤷🏻♂️نتمنى التوفيق لمنتخب مصر 🇪🇬 🇪🇬 🇪🇬
كلام صحيح جدا