حسام حسن مدرب منتخب مصر احتفل بشكل هيستيرى
المشهد اللي قدامك ده حصل امبارح بعد مباراة مصر و بوركينا فاسو في تصفيات كاس العالم !
حسام حسن مدرب منتخب مصر احتفل بشكل هيستيري بالرغم ان المباراة انتهت بالتعادل و بالرغم ان منتخب مصر لسة محتاج نقطه عشان يتاهل الي كاس العالم !
ناس كتير شافت المشهد ده و بدات تنظر علي احتفال حسام حسن لان احنا محققناش انجاز يعني ده انت لا صعدت كاس العالم لسة و متعادل كمان مع بوركينا ، ليه المبالغه دي ؟
انا عارف انه صعبان عليك فكرة منتخب مصر كبير افريقيا اللي كان بيكتسح الكاميرون و كوت ديفوار ايام ايتو و دروجبا بالاربعه و دلوقتي بيفرح بالشكل ده عشان تعادل مع بوركينا ،
كل ده انا متفق معاك فيه لان اكيد طموحاتنا لازم تكون اعلي من مجرد صعود ل كاس العالم ، و لكن !
مفيش مقياس للفرحه يا صديقي ، اي حد بينجح في حياته بيبقي رد فعله ” فرحه ” ايا كان مستواها ،
حجم الضغوطات مختلف من شخص للتاني و حسام عارف انه لو مكسبش امم افريقيا هيمشي و مفهاش كاس عالم فبيحاول يفرح و يشجع نفسه دلوقتي
بكل لحظه هو شايف انه نجح فيها احنا اه مش مقتنعين بالاداء و بكورة حسام حسن ،
و لا موافقين ان مستوي طموحاتنا يقف علي تعادل مع بوركينا ولا فوز علي اثيوبيا لكن كل انسان من حقه يعبر عن فرحته بالطريقه اللي هو شايفها ،
عايز تحاسب حسام حسن علي طريقه ادارته لمنتخب مصر مفيش مشكله
لكن مينفعش ابدا انك تحاسبه علي مشاعره اللي هي شئ شخصي جدا
حسام حسن مدرب منتخب مصر احتفل بشكل هيستيرى
ظهور باهت ومفيش ملامح لتكتيك
في مدربين قدرت تكتب بطولات لنفسها بدون استحقاق وفي مدربين كانت تستاهل مدح اكتر لكن ده محصلش لأنها محققتش الهدف المطلوب في النهايه
وده لان الكوره لعبة بتخضع لفترات كبيره من اللامنطق والصدف .
النتائج عمرها ماتكون مقياس للحكم،الا لو قررنا بقي نضع ديديه ديشامب في مقدمة الافضل في التاريخ
في معطيات كتير لازم تضعها في الاعتبار قبل النتائج علشان تقدر تحكم علي التجربه بشكل كامل
… حازم امام في الاستوديو التحليلي قال وحلل ووصف اللى حصل في الماتش أن
” المباريات دي تكسب ولا تلعب ” هي نفس الجمله اللى بنسمعها بعد كل مباراة بنكسبها أو بنحقق فيها نتيجه ايجابيه
واللى بسببها اتاخرنا كتير ورجعنا كتير والحقيقه برضو مش عارف لحد امتي هنفضل نكرر نفس الجمل الغير منطقيه دي .
والفكرة كمان أن نفس الاستوديو التحليلي قعد يقول هو اه مفيش شغل فني بس في تكتيك ؟
ياجماعه طب ازاي ! هو انا هنفصل الشغل الفني عن التكتيك كمان !
وهنقسم الكوره مناطق وكل واحد ياخد حته يعمل فيها اللى هو عايزه .
ظهور باهت للمنتخب ومافيش ملامح لتكتيك أو لشغل فني بيتنفذ
ومتحاولش تاخدني لسكة النتائج لان ده هيبين اكتر انك شخص سطحي ومع اول كام تعثر هتقلب
لكن لحد ما المنتخب يرجع يلعب كوره من تاني او حتي نحاول أننا نلعب كوره
هتفضل تجربة حسام حسن فشله وبدون بوادر ولا ملامح دون أدنى شك
sportnews.it.com
احتفل بشكل هيستيرى
احتفل بشكل هيستيرى حسام حسن
اترك تعليقاً