شكرا مارسيل كولر

مبدئيا مارسيل كولر نزل دلوقتي بوست بيودع

و بيشكر فيه النادي الاهلي بكل العاملين فيه

بكل الجماهير

لفت نظري بعض كلمات كتبها كولر بتعبر فعلا عن مدي ثقافته و اخلاقه و عقليته العاليه جدا !

كولر اتكلم عن حادثه رمي الزجاجات عليه بعد خسارته

امام صن داونز

و قال ان ده كان شئ مولم و كان صعب يتفهموا

لكنه اعتبر الحادثه دي فرديه و نسيها تماما لانه تلقي اعتذارات كتير بعدها

علي طول و قال ان الاعتذارات دي كانت بصدق

وايضا كولر بعدها قال انه اختبر في السنين الماضيه امواج غامره من الدعم

و استقبل مئات الالاف من الرسائل المدعومة

بالحب و الاحترام و قال ان الايجابية دي تفوق كل شئ بالنسبة له !

لذلك كولر قرر ينسي و يعدي و ميكبرش المشكله كما يرى انه

مع انه اتغلط في حقه ، قرر يشوف و يبروز الايجابي من القصة كلها و دي حاجة صعبه مش سهله ابدا

و كولر قبل ما يبقي مدرب جميل و يفوز مع الاهلي ب 11 بطولة فهو انسان اجمل بكتير

شخص بسيط و ردود افعاله كانت ايجابيه

و هادية تجاه المشاكل اللي قابلها في مصر عموما

من الاخر حقيقى شكرا مارسيل كولر علي كونك انسان محترم و متحضر

واحد من اعظم هدايا لامياسا لبرشلونة

تشواميني مظلوم حقيقى ..ريال مدريد وبرشلونة

من ساعة مباراة مانشستر سيتي في دوري ابطال اوروبا في البرنابيو ..

وتشواميني اتغير خالص !

مش هو هو نفس تشواميني اللي كنا بننتقده بشراسة منذ انتقاله للريال

وفعلاً مردوده تغير تماماً واللاعب تحس بشكل ملحوظ

الكلاسيكو كان الذروة لحالة التألق والنضج والشخصية القوية اللي اكتسبها تشواميني

وظهرت بعد تأقلمه مع ضغوط ريال مدريد بوضوح

اولا قرارات تشواميني بالكرة بقت حاجة تانية ونابعة عن تحسن ملحوظ

في سلوكه الاستكشافي وقراءته الصحيحة لمسارات اللعب

وده اثر بالتبعية على مردوده علاوه على ذلك

في تفاصيل اخرى منها الثنائيات والاستخلاص والاعتراضات

ومنها كذلك تزايد معدلات تمريراته العمودية والمجازفة

لذلك زي ما انتقدنا تشواميني ..

فدلوقتي انسب وقت نعترف انه من اهم نجوم موسم ريال مدريد

وأحد اهم مكاسب الريال هو تقديم تشواميني لمستوياته الحقيقية

دلوقتي كلنا تأكدنا ان تشواميني مظلوم بالفعل

وإن في وجود مدرب اخر اكثر نظامية هيقدر يكون مردوده اعلى بكثير!

تشواميني لاعب الريال

رجل مباراه برشلونه رغم الخساره بيلينجهام

بالنسبة لي ؟

بيلينجهام هو رجل المباراة ودي افضل مبارياته في الموسم ده ..

وحقيقي فاق كل توقعاتي

سؤال كام مرة بيلينجهام كسر ضغط برشلونة بشكل فردي

وقدر هو اللي يطلع ريال مدريد بالكورة ؟

مش اقل من 5-6 مرات !

بيلينجهام انهاردة اكتسح فردياً في كل شئ !

نجح في كافة مراوغاته 5/5

و كمان نجح في كافة استخلاصاته 3/3 ..

تخيل كمان

نجح في 14/18 ثنائيات وصنع 4 فرص منهم واحدة محققة !

حقيقى بيلينجهام صال وجال انهاردة واثبت جودته .

و بل بدون مبالغة عدد كبير من زملاؤه خذله انهاردة وخذل مجهوده الرهيب

بيلينجهام بيلعب مصاب ومتكتف بحزام كتف مقيد حركته ورغم كده قدم مردود حقيقي اسطوري !

اكبر رد على صغار العقل اللي بيقللوا منه ومن امكانياته وقدراته ..

حقيقي بيللي انهاردة كان اكتر لاعب في ريال مدريد لا يستحق الخسارة ابداً!

لما بيسجل اهداف و بيحسم مباريات بيتقال عليه مقشراتي

و مبيعرفش يلعب كورة

لكن لما يعمل مباراة عالميه قصاد برشلونة النهاردة و ياكل الاخضر و اليابس

و يبقي افضل لاعب في المباراة ، نعمل نفسنا من بنها و منديلوش حقه !

بيلينجهام النهاردة كان بيلعب لوحده قصاد برشلونة ، ايوة لاعب واحد قصاد 11 !

ريال مدريد مكنش هيبقي لي وجود ولا كان هيرجع في النتيجة

ولا كان هيدخل شوطين اضافيين اصلا لولا بيلينجهام !

كان بيلف حوالين نفسه و طلع فريقه من تحت الضغط كذا مرة

صنع بدل الفرصه تلاته و هو سبب كل فرص ريال مدريد النهاردة

اتسبب في هدف التعادل لما قطع الكرة من بيدري

كل مراوغاته صح 4 من 4

وايضا كل تدخلاته صح ، 4 من 4

كسب 14 ثنائيه من اصل 17

وعلاوه على ذلك كان غول حرفيا و اكل نص ملعب برشلونة بالكامل

بيلينجهام عمل كل ده بقي و هو مصاب في كتفه اصلا و لابس حزام كاتم علي نفسه

و مقلل حركته ، تخيلت لو كان سليم و اخف و بياخد نفس القرارات بتاعه النهاردة دي ؟

بيلينجهام هو الوحيد في ريال مدريد النهاردة اللي ميستاهلش الخساره

عمل ماتش تاريخي حرفيا 👏❤️

هاردلاك بيلينجهام♥️

ليه بيراميدز إلى نهائى دورى الابطال – لانه بيشتغل صح فى هدؤ تام

مبدئيا ظهور نادي بيراميدز
2019

نهائي كأس مصر
2020 تاهل الى نهائي الكونفدرالية
2021 نهائي كأس مصر
2024 بطل كاس مصر
2025 نهائي دوري أبطال أفريقيا
نهائي كأس مصر
صدارة الدوري المصر

بعد تأسيس النادي بـ 6 سنوات فقط أصبح ينافس بقوة على ثلاثية تاريخية ..

من قال ان الأموال لا تصنع تاريخ عليه بالتراجع الان 🏆

الموسم علي اعتاب أن هو يكون تاريخي لبيراميدز والحقيقه ان هو جداره واستحقاق حتي الآن كما نرى انه

متصدر الدوري تأهل لنهائي الكأس تأهل لنهائي البطولة الأفريقية

والفريق أصبح علي بضع خطوات لتحقيق الثلاثيه التاريخيه بعد 5 سنوات

خلينا نقول أن يوريسيتش قدم طفره مع الفريق المدرب الكرواتي

رغم أن انا مش شايفه قوي فنيا وعنده مشاكل كتير لكن الراجل

وايضا قدر يخلق نقطه مهمه جدا للفريق وهي قوة الشخصيه وعدم الاستسلام

الراجل شعلة نشاط واقفه علي الخط وبشكل مستمر متفاعل مع المباراة

مافيش مكان للسرحان أو التخاذل وبيتحكم في كل شئ ..

النقطه دي كانت مهمه جدا للفريق ال بيمتلك عناصر ممتازه

لكن الفريق كان بيتهز في المباريات الكبيره،الموسم الحالي

شوفنا بيراميدز بيلعب أمام الاهلي ومطرود منه

لاعب وبيسجل وبيتفوق

الاهلي بيرجع بصعوبه بيقدر يتفوق علي الزمالك بثلاثيه

وكمان بيروح يلعب في المغرب عادي

بيصمد وبيلعب في جنوب افريقيا وبيقدم مباراة كبيره

وفي القاهرة بيقدر يرجع في النتيجه ويسجل ثلاث اهداف ..

عارف ان بيراميدز وصل للنهائي

عند استحقاق كبير الفريق هو اقوي خط هجوم قي البطولة بتسجيله 21 هدف معدل 2.1 هدف في المباراة

وكمان معدل كبير جدا وممتاز بيتفوق علي الاهلي ال مسجل 17 هدف كمان

هو اكتر فريق صنع فرص محققة ب 24 فرصه

مناصفه مع الأهلي لكنه اكتر فريق عنده نسبة تحويل التسديدات الي اهداف وكما نرى انه

وصلت إلي 19% بيراميدز تاني اكتر فريق لمس للكره في منطقة جزاء الخصم 191 مره ..

كمان و صول مستحق ولو قدر الفريق يتوج بالبطولة هيكون تتويج مستحق بشكل كبير

وبداية هتكون ممتازه للفريق السماوي

من ناحيه اخرى صفقات ريال مدريد فى الصيف

انهاردة خبر جديد عجيب بخصوص ريال مدريد

صحيفة الـAS قال ان ريال مدريد (متردد) يصرف في الميركاتو الصيفي ولا ولا

ده بجد مش هزار

ريال مدريد على الورق لحد دلوقتي الصفقة الوحيدة اللي (على وشك)

تخلص هي صفقة لاعب حر ( ارنولد )

غير كده ريال مدريد مش عاوز يدفع فلوس لاندية عشان

يستقدم لاعيبة جدد وطبعاً مستحيل تلاقي خيارات مناسبة من غير ما تدفع

دين هويسين مدافع بورنموث اللي نص اندية البريميرليج عاوزينه

كان صرح بشكل غير مباشر على رغبته في اللعب للريال

واللاعب عنده شرط جزائي بقيمة 51 مليون يورو فقط

لكن المفاجأة

ان ريال مدريد (مستغلي) الرقم لدرجة ان اللاعب عشان بسهلها قال في تصريح جديد ان الشرط ده ممكن يتدفع على دفعات

ريال مدريد شكله كده (كالعادة) مش داخل السوق اساساً

ومش هيقدر يمسك غير في ارنولد

اللي هيبقى الصفقة اللي هتبقى واخدة الصيت كله عشان تغطي على الميركاتو المتصحر للريال

من ناحيه اخرى جود بيلينجهام وانتهاء الموسم بسبب الاصابه

حقيقى جود بيلينجهام بيخرب مسيرته الكرويه ب ايده ! 🤯👇

الصحفي ” جوليرمو راي ” الموثوق في شبكه اتليتك

اتكلم في شهر اكتوبر اللي فات عن حاجة عملها

بيلينجهام خلت مستواه يقع الموسم ده !

بيلينجهام بدأ الموسم باصابه في الكتف و قرر ميعملش عمليه جراحيه

و كمان طلب انه ميلبسش حزام الكتف عشان بيأثر علي نفسه و حركته في المباريات !

من بعد مباراة اسبانيول في بدايه شهر فبراير ، بيلينجهام رجع يلبس الحزام ده تاني

في كتفه لانه ضروري لحمايه منطقه الاصابه !

الكارثه بقي ان الصحفي ” ميجيل سيرانو ” الموثوق في شبكه الا س اتكلم النهاردة

و قال ان بيلينجهام مش قادر يواصل اللعب فيما تبقي من الموسم

بسبب الاصابه و بسبب الحزام اللي بيقلل من نفسه و حركته !

بيلينجهام ضيع موسم كامل بسبب العند و في الاخر هيضطر يعمل العمليه

و هيضيع موسم كمان بسببها ، يعني بدل ما يضيع موسم

لا ضيع موسمين بحالهم !

علاوه على ذلك تقريباً كل محللي السوشيال ميديا ووسائل اعلام اسبانيا

اتكلموا في نفس النقطتين الواضحين في مشاكل بلينيجهام الموسم الحالي

واضح في الصورة الحزام اللي بيلبسه بيلينجهام

عشان كتفه بسبب الاصابة اللي حصلت له في الربع الاخير من الموسم الماضي علاوه على ذلك

واللي بسببها نهى الموسم بمستوى متراجع ومكنش افضل حاجة في اليورو

تلقى انتقادات كتير بسببها

بيللي حاول يتحايل على الاصابة بزيادة كتلته العضلية بشكل واضح في الكتف والضهر

ومع الحزام كل ده كان مساهم مباشر في (تكتيف) حركته

دلوقتي حسب وسائل اعلام اسبانيا بيلينجهام فعلاً مبقاش قادر يتحمل بسبب اصابته

اللي يبدو انها على وشك الدخول في

مرحلة مش كويسة

اللاعب بنسبة كبيرة هيعمل عملية جراحية

في الكتف عقب مونديال الاندية

ممكن مدة الغياب تصل فيها الى 4 اشهر

وده حله الوحيد لأنقاذ مسيرته

عندي مشكلتين مؤخراً مع فينيسيوس

والمشكلتين دول مأثرين على انتاجيته بشكل لافت جداً

الاولى

ان فينيسيوس بقا يستسهل في عملية المراوغة وأصبح بيراهن على

سرعته اكتر من خفة حركته وقدراته الجسدية على الدورانات

وتغيير اتجاهات جسمه

فأصبحت 80-90٪؜ من مراوغاته بتعتمد على انه يحولها لسباقات سرعة

وطبعاً هنا منافسيه بيلجأوا لتعطيله بالالتحامات

اللي بعضها بيكون مسموح وبيخسر الكورة

فينيسيوس المواسم الماضية كان افضل مراوغ في العالم لانه ببساطة

كان بيعتمد على قدراته في التمويه الجسدي وسرعة تغيير اتجاهات جسده

بشكل كان فعلاً يخليه يراوغ اي حد متراجع

ويمكن شوفنا منه لمحات امام بلباو

وده كان سبب انه ينجح في 8 مراوغات من اصل 13 محاولة

الثانية
مشكلتي هي استمرارية فينيسيوس في الشخصية الشكاءة للحكم

بشكل اصبح بيزعج الحكام نفسهم بل بياخدوا موقف منه احياناً وبيعاندوه كمان

هل فينيسيوس هو اكتر لاعب تم التداخل عليه بقوة مفرطة في التاريخ

و كان في رونالدو الظاهرة ..

كان في كريستيانو

وبرضوا كان في ليو ميسي ..

و كان في نيمار ..

كان في هازارد وحالياً في لاعبين اخرين

زي يامال وساكا كمثال ..

مفتكرش ان في لاعب بيشتكي وبيطلع ردود افعال قوية تجاه الحكم

بعد كل تدخل زي فينيسيوس ودي نقطة سلبية جداً

بتخلي الحكام تنزعج اصلا من اللاعب

الشوالي في مباراة بلباو علق على النقطة دي وقال

ان فينيسيوس بيعترض

فكل تدخل كأنه عاوز الناس تسيبه يراوغ

ويعدي بسهولة من غير مضايقات او تدخلات

من المهم ان فينيسيوس محتاج اصلاً يشتغل على الجانب الاول تقنياً ..

ومحتاج مدرب يتكلم معاه في الحتة التانية دي .

الغريب ان بقاله 3 سنين المشكلة التانية دي بتزيد عنده على مرأة ومسمع كارلو انشيلوتي

لكن بدون تدخل منه كما نرى انه

فينيسيوس لو عاوز مسيرته تستمر في التوب فورم ويستمر في مطاردة احلامه الفردية

زي البالون دي اور وانه يحقق بطولات لبلده لازم ينضج في الحاجتين ده قبل اي شئ

من المهم – الـCDM الحقيقي بالنسبة لي .. ومن غير ما يكون صناعة اوروبية

تسديدات ؟ مدفعجي زي ما قال الكتاب وممكن يسدد من مسافات توصل لـ40 ياردة وتكنيك التسديد بتاعه مفيهوش غلطة

صناعة فرص وتطوير هجوم ؟

و ماكينة تمريرات عميقة وعمودية

كاسرة للخطوط

مقاومة للضغط ؟

و مثالية في الدورنات واستلام الكرة

بالقدم البعيدة واتخاذ القرارات بشكل استباقي

قبل استلام الكرة بوضعيات استلام غير محجوبة

قدرات دفاعية ووعي دفاعي ؟

شرس في الثنائيات والتدخلات والاستخلاص وصاحب وعي دفاعي كبير

في حماية مربعاته ومساحاته واختياره التوقيتات المناسبة للخروج منها

وصاحب معدلات استرجاع كرة مثالية

تيبوهو موكوينا مش محرد لاعب ارتكاز دفاعي عادي ..

ده واحد من القلائل في القارة اللي اخليك تضرب كف على كف

انه مش محترف في اوروبا على امكانياته دي

موكوينا عنده 28 سنة لكن مع الأسف الشديد هو حلم مستحيل المنال لاي مشجع مصري

لان عقده هينتهي في صيف 2029 وقيمته السوقية 2.5 مليون يورو .

يعني حتى لو صن داونز وافق يبيع .. تفتكر هيطلب كام

عاوز اقولك انه مش من ناشئي صن داونز بل هو على غرار اغلبية اسكواد الفريق

جاي من نادي اخر اصغر في حنوب افريقيا وهو نادي

سوبر سيورت يونايتد الجنوب افريقي

جنوب افريقيا بتطلع جواهر .

مكنتش محتاج منك غير سكاوت يقعد مركز مع الدوري الجنوب افريقي

ويقدم لك منه الجواهر دي قبل ما تطلع للنور

خسارة مدوية لإنتر في الدوري جت في مصلحة برشلونة

يعنى ايه الكلام دا

خسارة انتر في الدوري من شوية امام برلونيا في اخر دقيقة قلبت الدوري الايطالي

لان بسبب التعثر ده قدر نابولي يلحق انتر ميلان ويبقى كل واحد فيهم 71 نقطة

انتر لو كان كسب كان بقا 74 نقطة وباقي 5 جولات وعنده روما الجولة الجاية !!

يعني على الاقل لو كان كسب انهاردة مثلا وكسب روما كان هيدخل ماتش برشلونة بدون ضغوط!!

لكن دلوقتي خسارة الانتر المفاجئة امام بولونيا

هتخلي الفريق يدخل ماتش روما نفسه مضغوط

وبالتبعية برضو ماتش برشلونة هيبقى مضغوط اكتر

انزاجي هيبقى بين نارين عدم خسارك الدوري وعدم الخروج من الابطال ..

نابولي الجولة الجاية عنده تورينو صاحب المركز العاشر ويقدر يكسب ويكمل ضغط !

حاجة كمان مهمة وهي ان انتر عنده اياب ديربي ميلان

في ربع نهائي كاس ايطاليا

قبل مباراة روما🔥ياساتر !

ماتش بدني مرعب

من ناحية تانية فليك مش مرتاح اصلاً بالمناسبة

بل هو كان محتاج ان انتر يكون مضغوط

ديه عشان تتوازن الكفة !

مش فاهم ؟ هفهمك

فليك عامل فارق معقول في جدول الدوري

مع ريال مدريد

لكن الجولة الجاية هيلاعب ريال مايوركا

ماتش مش ماتش سهل لان مايوركا لان مايوركا في معركة مع

سيلتافيجو وريال سوسيداد

ومن اجل الحقاظ على مركزه المؤهل لليوروباليج

بجانب ان برشلونة هيكون عنده نهائي كاس ملك اسبانيا امام ريال مدريد

ودي قطعاً هتكون مباراة مرهقة جداً للبارسا

تقدر تقول كده البارسا والانتر كل واحد فيهم مزنوق زنقة ما يعلم بيها الا ربنا ..

بس مشكلة انتر اكبر لانه بيواجه خطر خسارة الصدارة

ريال مدريد لازم يعمل تمثال ل فالفيردى

ريال مدريد عمل كل حاجة النهاردة امام بلباو

كل حاجة حرفيا

فينيسيوس سجل هدف ملغي

بيلينجهام سدد بدل المرة خمسه

رودريجو سدد ، كله سدد و جرب حظه

بس الكورة النهاردة اختارت ان البطل يكون فالفيردي

اختارت ان افضل و انضف و اقوي و ادق تسديده فيهم كلهم هي اللي تتحول الي هدف !

لك ان تتخيل ان نسبة تسجيل الهدف ده كانت 4% بس

لكن بعد تسديده فالفيردي المثاليه ارتفعت النسبة الي 51% ، يا للهول !

ريال مدريد بيحاول و هو عارف انها بعيده و بعيده جدا كمان

بس مجرد المحاولة و الشوط التاني اللي اتعمل ده من كل الفريق بلا استثناء

فى ده يخليك تحترم الفريق ده اللي لسة موافقش يرمي الفوطه

في وقت هو مثالي لرمي الفوطه

وحقيقى في موسم مليان عبث من الاداره اولا و من الجهاز الفني ثانيا

لو حصلت معجزه و ريال مدريد كسب الدوري ده

فى ريال مدريد لازم يعملوا تمثال ل فالفيردي لانه جوهره بالمعني الحرفي ❤️

احنا محتاجين فالفيردي يفسر لينا عظمه تقنيه التسديد اللي عنده لان اللي بيعملوا ده

شئ خيالي بالمعني الحرفي !

فالفيردي الموسم ده سجل 6 اهداف في الليجا

منهم 5 اهداف من خارج منطقه الجزاء

بمجموع xG وصل الي 2.18 هدف فقط !

الشئ المبهر هنا ان فالفيردي سجل 6 اهداف من خارج منطقه الجزاء الموسم ده

لو ضفنا ليهم الهدف العالمي اللي سجلوا امام بلباو النهاردة

فمجموع ال xG للاهداف دي هو 0.43 هدف فقط !

يعني المتوقع بالنسبة ل فالفيردي مكملش نص هدف

لكن الواقع بالنسبة ل فالفيردي هو 7 اهداف ، ده خيال حرفيا ! 🤯

المبهر كمان هو كلام كورتوا عن فالفيردي بعد مباراة ريال مدريد و بلباو النهاردة ! 👇

” لدي فالفيردي تسديده غريبه الاطوار ، بالامس اثناء التدريب سدد الكرة نحوي

و بدا لي انها لن تدخل المرمي و فجأة دارت مثلما حدث اليوم و دخلت المرمي

قلت له كيف تسدد بهذه الطريقه ، انها ملتفه و قويه و سريعه

انه يقوم بذلك في التدريب بسهوله تامه “

من الاخر ، احنا قدام ظاهره كرويه في ركل الكرة

و اذا كان هناك لاعبين يمتلكون شموليه في امور كثيره

فى خير ل فالفيردي ان يكون المتخصص الاول في امر منهم 👏❤️
واحد من افضل المسددين اللي شوفتهم في الكورة بجد

حقيقى فالفيردي عنده جزء خاص مميز فيه جدا جدا جدا 👏

سيمونى

سيموني انزاجي فخر النيراتزوري

انزاجي هل من المنطق الاقي ناس بتتكلم عن وجود برشلونة

في نهائي دوري ابطال اوروبا وكأن انتر سيموني انزاجي شفاف وغير موجود؟

ليه الناس بتتعامل مع انتر ميلان على

انه غير مرشح للقب دوري ابطال اوروبا ؟

هل الفريق ينقصه شئ عشان يكسبها ؟

هل على ان اذكر الجميع ان انتر ميلان

وباريس هو الفرق الوحيد

في الرباعي المتأهل اللي وصلت لنصف النهائي مرتين اخر 3 سنوات؟

انتر ميلان انزاجي لا يقل في حظوظه عن البقية ..

فريق محترم لاقصى الحدود ولو برشلونة لم يتعامل معاه من تلك الزاوية هيندم !

تعاملوا مع انتر على انه مرشح رئيسي عنيد ومثابر لانه يستحق ذلك ..

فلتت منه البطولة منذ عامين ..

ولن يتركها تقلت منه مرة اخرى بسهولة !

الراجل اللي قدامك ده مش مجرد مدرب ، ده زعيم ! 👇

انتر كان عليه ديون وصلت الي 500 مليون يورو في 2021

كونتي ساب الفريق و قال مش هكمل في الظروف دي

الراجل ده وافق يمسك الفريق بكل ظروفه دي و بعدم رفاهيه

في الميركاتو زي باقي فرق اوروبا

كسب 6 بطولات في 3 مواسم و بيلعب قصاد اكبر كبير في

اوروبا راس ب راس و بيتفوق عليهم !

متصدر الدوري السنة دي و وصل الي نصف نهائي كاس ايطاليا

و وصل الي نصف نهائي دوري ابطال اوروبا .

بينافس علي الثلاثيه بصفقات

زي طارمي 32 سنة و زيلينسكي 30 سنة ! علاوه على ذلك

وصل الي نصف نهائي دوري ابطال اوروبا مرتين في اخر 3 سنين

ده حدث محصلش من ايام مورينيو في 2010 ! 😮

اصبح تاني مدرب في تاريخ انتر يوصل مرتين الي نصف نهائي دوري ابطال اوروبا ! 🤯

في النهاية ، اتكلم النهاردة و تواضع امام الجميع بعد تأهله امام بايرن ميونيخ

و قال دي مش بصمتي انا دي بصمة اللاعبين !

سيموني انزاجي ، رجل انتر ميلان الاول و الاخير 💙

خروج ريال مدريد من دورى ابطال اوروبا على حساب الارسنال

اولا خسرت من ميلان تلاتة

ثانيا خسرت من ليفربول
ثالثا برضو خسرت من ليل

رابعا خسرت من برشلونة اربعه
خامسا خسرت من برشلونة خمسه

سادسا كمان خسرت من بلباو

سابعا برضوا خسرت من اسبانيول

ثامنا خسرت من فالنسيا
تاسعا خسرت من بيتيس

عاشرا خسرت من ارسنال رايح جاي
اخيرا لعبت مع اتليتكو 4 مباريات مكسبتش غير مباراة !

جبت مهاجم صريح في الفريق ؟
لا

طب انت زعلان ليه دلوقتي كمشجع مدريدي ؟

هو انت عملت خطوه صح للموسم

هل انت بتقدم مستوي ثابت ؟ انت بتقدم كورة ممتعه ؟
سؤال هو انت كسبت فريق كبير السنة دي غير السيتي

عارف تزعل امتي ؟
لما تبقي مقدم مستوي عالمي و حضرت للموسم كويس و عندك عدم توفيق و برضه خسرت

لكن لما تبقي عامل كل حاجة غلط في الموسم و فريقك غير متوازن

يبقي لما تخسر يبقي امر منطقي و واقعي

انت نفسك عارف انك مشيت غلط ، ف كنت مستني ايه ؟

الخلاصة ، ريال مدريد مش كل مرة هيقدر يغلب المنطق و يمنطق اللا منطق .

موقف مثالي من ارتيتا اليوم

ارتيتا النهاردة قال للصحفيين بعد المباراة انه اتكلم مع جوارديولا

قبل مباراة العودة امام ريال مدريد

ارتيتا شرح سبب المكالمة و قال للصحفيين الكلام ده 👇”

تحدثت مع جوارديولا لان وجودي هنا بسبب فضله الكبير علي

كان مصدر الهام لي ، لقد وضع الثقة بي و ضمني كمدرب ثان مع مانشيستر سيتي

انا ممتنا له كثيرا ، انا موجود هنا بسببه ”

ارتيتا اكتسح ريال مدريد و كسبهم ذهاب و عوده

بنتيجة 5 / 1 ، اخر مدرب قدر يكسب ريال مدريد ذهاب و عودة في دوري ابطال اوروبا

كان جوارديولا نفسه في 2020 !

مدرب تاني غير ارتيتا كان هيشاور علي نفسه

و يفتخر بنفسه و الايجو يعلي عنده و يقول انا البطل انا صاحب الفضل !

لكن ارتيتا قرر يتواضع ، ينزل لتحت ، ينسب الفضل و يبروز معلمه اللي فتح لي الفرصه دي !

موقف مثالي من ارتيتا و واحدة من اجمل العلاقات الصحيه

اللي مفهاش اي ذره حق د و نفسيه اطلاقا 👏❤️

ارتيتا ده لما اتسأل قبل المباراة عن ترويج الميديا ل ريمونتادا ريال مدريد

و الضغط النفسي اللي بيعملوه قالهم ببساطه خلينا نرد في الملعب

احنا عقليتنا اننا نلعب كورة احسن من ريال مدريد !

فكانت النتيجة ان ارسنال كسب ريال مدريد ذهاب

و عوده بنتيجة 5 / 1 في مجموع المباراتين

كانت المباراة من طرف واحد فقط ارتيتا بدون مهاجم

و بدون مدافعين مهمه زي كلافيوري و جابريل

اكتسح ريال مدريد رايح جاي بالنظام و النمطيه و الثبات

الذهني و كسر شوكه الريمونتادا الاذليه بتاعتهم

تأهل مستحق لارسنال ، تأهل مستحق للعبقري ارتيتا 👏❤️

المدرب اللي قدامك ده اسمه ” بيبي كوندي ”

و هو مدرب لياقه بدنيه في نادي برشلونة

الراجل ده قبل بداية مباراة ليجانيس و برشلونة

جمع لاعبي برشلونة حواليه و قالهم الكلام التحفيزي ده 👇

هي دي نوعيه المباريات التي تحسم الالقاب

ليجانيس هيعافروا امامكوا عشان يتفادوا الهبوط

يجب علينا ان لا نظهر اقل جو عا منهم ، يجب ان نظهر اكتر جو عا

لنفوز لاننا نريد لقب الدوري ، دعونا لا نخسر عملنا اليوم “

و كانت نتيجة الكلام التحفيزي ده ان رافينيا و مارتينيز بيمنعوا

اهداف محققه عن ليجانيس بتدخلين في اخر دقيقه من كل شوط !

و كانت نتيجة الكلام التحفيزي ده ان جيرارد مارتن يمنع تحول هجومي

عن ليجانيس و قدر يسترجع الكرة بذكاء و بسبب القرار ده برشلونة سجل هدف الفوز !

اه هانز فليك هو المدير و الرجل الاول في برشلونة

لكن كل فرد في النادي ده مصمم علي النجاح

برشلونة زي ما هما شغالين علي الفنيات

فى هما اولا شغالين علي صناعه شخصيه صلبه و الدعم النفسي

برشلونة السنة دي حالة تدرس 👏❤️

هنز فليك

الراجل ده زرع مستوي من المسئوليه في لاعبي برشلونة حقيقي رهيب !

رافينيا و كوندي و انيجو مارتينيز النهاردة منعوا انفرادات باهداف محققه

لصالح ليجانيس بمجرد قرار بالركض المكثف ، جابوا اخرهم في الجري !

جيرارد مارتن غلط في التمرير و ليجانيس يروحوا ب تحول هجومي

رجع بسرعه قطع الكرة بذكاء كبير لانه قرأ التمريره صح

و بدأ تحول لبرشلونة جه منه هدف الفوز !

سواء لاعب اساسي او احتياطي ، الكل عنده نفس المسئوليه

و نفس الشغف و نفس الاراده ، كله مستعد يخدم الفريق ده حتي لو جودته قليله !

انك تتصدر الليجا بفارق 7 نقاط و انك توصل

الي نهائي الكاس
وكمان انك توصل الي

نصف نهائي دوري ابطال اوروبا
انك توصل ل 24 مباراة متتاليه

بدون هزيمه
انك تعمل كل ده بدون صفقات و بدون دكه كمان

بالنسبة لي هتفضل اهم ميزة يتميز بيها اي فريق بطل

هو انه قادر يكسب تحت اي ظرف وبأي سيناريو

مين قال ان القريق اللي مقدم اداء ممتاز الموسم ده

هيقدر يقدمه كل ماتش او هيقدر يكسب سكورات كل ماتش ؟

اكيذ هيقابل منافسين كتير مزعجين ومباريات كتير معقربة ..

رغم كده محقق المطلوب ومحقق الزخم المناسب اللي على الاقل يخرجه كسبان

برشلونة فليك حتى لو مش في يومه

او مش مقدم اقوى مبارياته برضو خارج كسبان

وبرضو بيزود ويقرب من فرص تحقيق لقب غالي

فليك مش بس يستاهل الدوري لانه الافضل ..

فليك يستاهل الدوري لانه محقق معادلة انه قادر يكسب في اي وقت

وده منافسيه نفسهم مقدروش يحققوه وخسروا بسببه نقاط

وساعدوه اكتر في الوصول لما يستحقه🤝

تبقي مدرب عظيم و استثنائي حرفيا و اسمك هانز ديتر باشا فليك 👏❤️

هانز فليك ده افخم هدية حصل عليها برشلونة ❤️

و هانز فليك طلع قال انه لسة متاهلناش

الكورة دي مش مضمونه

مع انه كسبان 4 / 0 و خلص علي دورتموند في كل شئ

يامال بيطلب يتبدل عشان زميله انسو فاتي ياخد فرصه و يلعب

جافي بيطلب يتبدل عشان زميله بابلو توري ياخد فرصه و يلعب

رافينيا بيعتذر ل كوبارسي انه لمس الكرة و منعوا من هدف

كنت تتخيل كمشجع برشلوني قبل بداية الموسم ان عقلية

و شخصية فريقك تبقي بالشكل ده ؟

كنت تتخيل كمشجع برشلوني قبل بداية الموسم

انك توصل شهر ابريل

و تبقي بتنافس علي كل البطولات ؟

تتخيل كمشجع برشلوني ان فريقك يبقي اقوي هجوم

في الليجا

و في دوري ابطال اوروبا و بيسجل بكل الطرق

هجوم منظم و تحولات و كرات ثابته ؟

برضوا كنت تتخيل كمشجع برشلوني ان فريقك يبقي الوحيد في اوروبا كلها

اللي مخسرش في 2025 ب 23 مباراة متتاليه بدون هزيمه ؟

بصرف النظر النهاية هيكون شكلها ايه

بس الراجل ده خلي جمهور برشلونة يعيش ايام كروية جميلة و ممتعه

لدرجة انهم بيستنوا مباراة برشلونة بفارغ الصبر و بشغف كبير

هانز فليك ده افخم هدية حصل عليها برشلونة ❤️

افضل قرار ل باريس الموسم دا

الراجل ده مبدأش الموسم مع باريس

ده يدوب لسة واصل الفريق من شهرين !

لكن تتفرج عليه مع باريس هتلاقيه امتع لاعب في الملعب

لانه من الاخر جناح فخم ، قراراته بالكرة بتجذب العقول

و بتسيطر علي المشهد بالكامل كما نرى انه

معضله كفاراتسخيليا بالنسبة للمدافعين انه معندوش شئ ضعيف

تقدر توجهه فيه

كلتا قدميه بيقدموا نفس الانتاجيه

و كل ممر في الملعب بيخضع لموهبته

هدف كفاراتسخيليا امام استون فيلا بيفسر شموليته ! 👇

تغيير مسار المراوغه بدون اختلال في التوازن

الانهاء بالقدم اليسري التي لا تقل انتاجيه عن القدم اليمني الاساسيه

وزن و توجيه مثالي للتسديده من موضع بعيد تماما عن حلق المرمي

لترتفع نسبه تسجيل الهدف من 5% الي 31% ، جوده مذهله !

تسجيل هدف مثالي ، صناعه 5 فرص ، 4 مراوغات صحيحه

فوز ب 8 ثنائيات ، الاكثر انتاجيه في كل شئ في مباراة واحده فقط

باريس دفع 70 مليون يورو عشان يجيب كفاراتسخيليا في نص الموسم

افضل و اذكي قرار عملوا باريس في الموسم 👏❤️

رافيينا -الصورة اللي دي كانت من 3 سنين بالظبط

ليدز يونايتد كان علي وشك الهبوط و بيلعب اخر مباراة في الدوري

مع برينتفورد و قدر يكسب 2 / 1 و يستمر

في البريميرليج بسبب مجهود رافينيا

رافينيا بعد المباراة قعد علي ركبته كعلامه

اعتذار لجمهور ليدز

و في النهايه شالوه و احتفلوا بيه كبطل شعبي

رافينيا بعد 3 سنين من الحدث ده بيعيش دلوقتي

كل الاحداث الضخمه دي في نفس الوقت ! 👇

هداف دوري ابطال اوروبا : 12 هدف

مرشح للبالون دور

اتحط اسمه جنب ميسي اسطورة برشلونة في جملة واحدة

و اصبح اكتر لاعب مع ميسي مساهم باهداف في نسخة واحدة

من دوري ابطال اوروبا ب 19 هدف و في 12 مباراة زي ميسي بالظبط !

دخل التاريخ و اصبح اكتر لاعب برازيلي يساهم باهداف

في نسخة واحدة من دوري ابطال اوروبا

لا رونالدو ولا كاكا و لا حتي فيرمينو ، هو رافينيا !

رافينيا من يومه لاعب مجتهد و بيعرف يشيل مسئوليه

و يصنع الدافع لنفسه وقت ما البيئه اللي حواليه تبقي صحيه

حقيقى رافينيا يستاهل فعلا كم النجاحات اللي بيحققها مع برشلونة حاليا 👏❤️

برشلونه بيقدم عظمه فى الكوره

في موقف حصل في مباراة برشلونة و دورتموند النهاردة حقيقي في منتهي الجمال ! 👇

الدقيقة 84 و النتيجة 4 / 0 لبرشلونة و برشلونة كانوا عملوا 4 تغييرات

و متبقي تغيير واحد كما نرى انه

لامين يامال شاور للجهاز الفني و طلب يتبدل ، في الغالب كان مصاب !

و الدقيقة وصلت 86 و فعلا لامين يامال بيطلع و بينزل مكانه انسو فاتي

الجميل بقي ان لامين يامال تعمد الاصابه في التوقيت ده

و عشان انسو فاتي ينزل مكانه و ياخد فرصه و يلعب

لانه ملعبش من شهر يناير اللي فات ! 🤯❤️

يامال ده المفروض عنده 17 سنة يعني لسة مراهق و ناقص نضوج

بس عمل موقف يدل علي كمال النضوج حرفيا !

واحد من اجمل و اعظم المشاهد في كرة القدم ❤️
عارف يعني ايه طفل صغير عنده 17 سنة ساهم

ب 3 اهداف من اصل 4 في ربع نهائي

دوري ابطال اوروبا ! 🤯

هو اللي عمل عرضيه مقوسه نموذجيه

و بسببها برشلونة سجل الهدف التاني !

هو اللي وقف علي الكرة عشان يوقف لعيبه دورتموند

فجاة عمل تمريره في المساحة و بسببها برشلونة

سجل الهدف التالت

و هو اللي سجل الهدف الرابع ب انهاء في منتهي الاناقه و الثقه !

لاعب عنده 17 سنة و بيعرف يعمل حاجات بالكورة في لعيبه

عدت 25 سنة متعرفش تعمل نصها حرفيا ! 🤯

بيطلع فريقه في بناء اللعب تحت الضغط ، بيسجل

و بيصنع فرص و اهداف ، بيراوغ اي حد

هيدوخ اي مدافع و هيجيبلوا احباط من اللعبه !

معشناش و مشوفناش لاعب عنده 17 سنة بس بالحرفنه و الابداع و الشخصيه و الحسم

ده قبل كدة !
الولد بيكلم الكورة وهي بتتدلع عليه ♥️✨

شوفت عرضية الهدف الثاني ؟

لاعبها على راس رافينها كأنها بالمسطرة .. اجمل عرضية curved in هتشوفها

شوفت بري اسيست الهدف الثالث ؟

لاعب التمريرة لفيرمين لوبيز من خرم ابرة وحطته

في موقف مثالي قدر يعمل منه الاسيست

و شوفت فينيش الجول الرابع ؟

غمزة لاعب متمرس بيلعب كورك بقاله 10 سنين

في المستوى المحترف مثلاً ! يا خبر ابيض يا يامال !

موهبة خيالية وجودة مهيبة♥️

لامين يامال ده معجزه بمعناها الحرفي ❤️
لاعبي برشلونة مرتاحتش بعد التوقف الدولي

بسبب مباراة اوساسونا !
رافينيا رجع بحاله ذهنيه سيئه !
كوبارسي رجع مصاب !
برشلونة هتلعب 5 مباريات في اقل من اسبوعين !

ركن الظروف علي جنب ، نزل ال 5 مباريات فسح المنافسين

مخسرش ولا مباراة ، قدم اعظم و امتع كرة قدم في العالم !

تصدر الدوري بفارق 4 نقاط

كسب اتليتكو و وصل الي نهائي كاس ملك اسبانيا

مسك دورتموند غسيل و مكوه و اكتسحهم 4 / 0 مع الرافه

و اتأهل الي نصف نهائي دوري ابطال اوروبا و ده حدث محصلش لبرشلونة

من 6 سنين بحالهم ! كما نرى انه

فريقه هو الوحيد اللي مخسرش في سنة 2025 ، 23 مباراة متتاليه بدون هزيمه !

اقوي هجوم في دوري ابطال اوروبا ، 36 هدف في 11 مباراة فقط ، يا ساتر ! 🤯

بيدي دروس في المثاليه

رجع هيبه برشلونة
افضل و اعظم و امتع مدرب في العالم ، العبقري هانز ديتر فليك ❤️

الفريق الوحيد في العام الجديد في اوروبا اللي لم يخسر في اي مباراة

حقق 19 انتصار من 24 ماتش

بينزل كل ماتش مش بيكسب لا يكسب ايه ؟!

ده بيدغدغ منافسيه !

ده بيدوس على وشهم !

وايضا ده بيتكلهم تيكتيكياً وبدنياً وذهنياً !

هو في فريق في العالم بيعمل اللي بيعمله برشلونة ؟

وايضا بيقدم الحالة اللي بيقدمها برشلونة .

بيقذم المنتج اللي بيقدمه برشلونة ؟

من الاخر بيقدم الشراسة اللي بنقدمها برشلونة ؟

فليك هو مدرب الموسم

الكورة لو منصفة يبقى الراجل دن نشوفه بطل اوروبا واسبانيا السنة دي

عطفاً على العظمة اللي بيقدمها الموسم ده♥️✨

الزمالك يودع الكونفيدرالية

الزمالك مع جوميز دا كان أكبر كنز للزمالك

واحد من أفضل المدربين اللي حالهم الزمالك اخر ٢٠ سنة وللأسف محدش حافظ عليه.

الفتح السعودي قعد ١٣ ماتش بدون أي مكسب

والفريق ف المركز الأخير ف الدوري.

مع جوميز فازوا خمس ماتشات وبقوا ف المركز ال ١٣

دلوقتي وقريبين من البقاء.

الفتح فى مرحلة ما قبل حميز صنع ١٤ فرصة محققة للتسجيل

فى ١٣ ماتش.

مع الميستر جوميز الفريق صنع ٣٧ فرصة محققة للتسجيل

فى ١٣ ماتش والفريق بقا عاشر أكتر فريق صنع فرص ف السعودية.

٩٩% من المدربين اللي عندنا ف مصر لما بيرحوا ليفيل أعلى

مبيحققوش حاحة الاستثناء الوحيد جوميز لانوا مدرب حقيقي.

جوميز ساب الزمالك أكتر فريق صنع فرص ف الدوري

السنادي وأكتر فريق عمل تمريرات صحيحة

و أفضل خط هجوم ومنافس ع الدوري.

الزمالك بعد جوميز خامس أكتر فريق

صنع فرص ف الدوري

مفيش خسارة هتيجي نص خسارة الراجل دا.

مدرب عبقري جوميز 🤍

جمهور الزمالك

اهو دا يا جمهور الزمالك اللي كان حافظ كرامة وسمعة النادي بقاله سنة اللي كان عامل قيمة للاعيبة دي.

بتروح المغرب ضد النهضة وصل الإستحواذ ل ٦٠%.. ٣٥٩ تمريرة صحيحة

المقابل الضيف عمل ٢٠٤ تمريرة صحيحة

فى القاهرة الإستحواذ الزمالكاوي وصل ل ٥٥% فى

نهائي الكونفيدرالية.

وفى نهائي الكأس تفوق تام فى الإستحواذ

٥٣% ٣١٩ تمريرة..

فى نهائي السوبر وصل الاستحواذ ٥٦%

ب ٣٦٥ تمريرة صحيحة.

الأهلي ف ٢ فينال ضد الزمالك ف السوبر و الكأس كسب ركنية وحيدة فقط..

تخيل ع ٢ فينال الأهلي عمل ٩ عرضيات مقابل ٤٤ عرضية للزمالك.

الراجل دا مشي والفريق كان أكتر نادي ف الدوري صنع فرص محققة للتسجيل

بالاعيبه اللى كانت موجوده ٨ فرص محققة ع ٤ ماتشات.

عارفين من بعد ما مشي الزمالك لعب ٧ ماتشات فى الدوري ٥ ماتشات

منهم صفر فرصة محققة للتسجيل..

وماتش الحرس صنع ٤ فرصة و الجونة فرصة

زمالك جوميز أكتر فريق عمل تمريرات صحيحة

المعدل ٤١٧ باص ف الماتش

تاني أكتر فريق عنده محاولات بين القائمين والعارضة ٢١ تسديدة بمعدل

٥.٣ ودا أعلى معدل للزمالك منذ ٢٠٢٠

نسبة استحواذ ع الكرة ٥٩% والسنة اللي فاتت ف الكونفيدرالية ٦٢%

التاني بعد صن داونز ف الموسم الأفريقي الماضي.

تاني أعلى فريق ف الموسم الأفريقي الماضي من حيث التمريرات الصحيحة ٣٧٣ تمريرة صحيحة بعد صن داونز.

صنع معاه الفريق ١٩ فرصة محققة للتسجيل ف الكونفيدرالية ف ٧ ماتشات.

دخل للنادي بسبب شغله ٤ مليون دولار يعني ٢٠٠ مليون جنية..
الزمالك كان بيمتلك كنز حقيقي اسمه جوزيه جوميز..

لو كان عنده رفاهية أندية تانية كان زمانه معبي بطولات كتيرة أوي

ب سكواد فقير جوميز أقوى خط هجوم..

٩ أهداف في ٤ ماتشات.

الزمالك مع جوميز أكتر فريق صنع فرص محققة للتسجيل ٨ فرص محققة

زمالك جوميز أكتر فريق عمل تمريرات صحيحة..

المعدل ٤١٧ باص ف الماتش

تاني أكتر فريق عنده محاولات بين القائمين والعارضة

٢١ تسديدة بمعدل ٥.٣ ودا أعلى معدل للزمالك منذ ٢٠٢٠.

نسبة استحواذ ع الكرة ٥٩%

والسنة اللي فاتت ف الكونفيدرالية ٦٢% التاني بعد صن داونز ف الموسم الأفريقي الماضي.

و تاني أعلى فريق ف الموسم الأفريقي الماضي من حيث التمريرات الصحيحة ٣٧٣ تمريرة صحيحة بعد سن داونز

صنع معاه الفريق ١٩ فرصة محققة للتسجيل ف الونفيدرالية ف ٧ ماتشات.

جوميز لو معاه بن شرقي وجناح مهاري

ومهاجم كواليتي يقدر يكسب دوري وكونفيدرالية.

لو معاه تشكيلة بيراميدز يقدر يلعب كورة جميلة ومؤثرة

مدرب قدير جدا 🤍

فرق شاسع بينه وبين بيسيرو دون أدنى شك

المتسبب الاول فى خساره الزمالك من ستيلينبوش اليوم.

بتغيراته وبدايه التشكيل كمان.

عموما هارد لك لجمهور الزمالك العظيم .

انا حقيقي مشفق علي جماهير نادي الزمالك !

كان افضل مدرب لعب الزمالك كورة مشي و ساب النادى

افضل محلل اداء كان عندهم مشي و ساب النادي.

افضل لاعب عندهم مشي و ساب النادي

و مفيش منافسة علي الدوري و النادي بقاله 3 سنين

هو تالت الدوري مش حتي تاني !

النهاردة بيخرج من ربع نهائي الكونفيدرالية امام

خامس جنوب افريقيا و اللي اول مرة

يلعب البطولة في تاريخه !

وكمان صفقات كتير ملهاش معني

و مقدمتش شئ !

مفيش شغف

و مفيش دوافع دي كارثه كبيرة بكل المقاييس لنادي المفروض

انه قطب كبير في مصر !

نطاق الرياضة